Edildiń sýyn óńdep beretin stansıanyń qurylysy 4 jyl júrgizilgen, qazir testilik rejımde jumys jasap tur. Táýligine 30 myń tekshe metr sýdy tazartady dep habarlaıdy qamshy.kz Mańǵystaý oblysy ákimdiginiń baspasóz qyzmetine silteme jasap. "Aýyz sý máselesi kóp jyldar boıy sheshilmeı kelip edi. Jańa stansıa shahar turǵyndaryn sapaly sýmen qamtıtyn bolady. Jańaózen qalasynyń 2012-2020 jj. arnalǵan áleýmettik-ekonomıkalyq damý josparyna sáıkes, 7000 jeke turǵyn úıdi sýmen qamtý qarastyrylǵan bolatyn. Jańadan iske qosylyp jatqan stansıa 150 myń adamdy sýmen qamtyp, úsh táýlikke jetetin sý qoryn saqtaıdy", - dedi nysan jumysymen tanysqan oblys ákimi E.Toǵjanov. Sondaı-aq, aımaq basshysy "Táýelsizdik" alańyndaǵy jańa sý burqaqtyń ashylýyna da qatysty. Jergilikti kásipker Jańaózen qalasynyń 50 jyldyǵyna oraı, turǵyndarǵa túrli tústi keıipke enip, bılep turatyn sý burqaqty syıǵa tartqan. Qurylysy 4 aıǵa sozylǵan sýburqaq endi shahardyń sánin keltirip, turǵyndardyń eń kóp jınalatyn demalys ortalyǵyna aınalary sózsiz.