2018 jylǵy 9 qarasha kúni Qazaqstan Respýblıkasynyń Qoǵamdyq damý mınıstri Darhan Káletaev jáne «Otandastar» qorynyń prezıdenti Nurtaı Ábiqaev Stambýlda Túrkıa men Eýropa elderinde turyp jatqan qazaq dıasporalarynyń jetekshilerimen kezdesý ótkizdi. Olardyń ishinde Mansýr Teıjı, Iakýp Jan, Fazyl Toplý jáne Abdýakap Kara sıaqty belsendi qaıratkerler bar.
Kezdesý barysynda Darhan Káletaev Qazaqstan Respýblıkasynyń Prezıdenti shetelde turyp jatqan otandastarymyzǵa aıryqsha qoldaý tanytatynyn atap ótti. Atap aıtqanda, Memleket basshysynyń tapsyrmasyna sáıkes QR Úkimeti 2018-2022 jyldarǵa arnalǵan etnıkalyq qazaqtardy qoldaý jónindegi is-sharalar josparyn bekitken bolatyn.
Atalǵan is-sharalar josparynda shet elderde etnıkalyq qazaqtardyń ana tilinde bilim alýǵa jáne ony saqtaýǵa, shet elderde turatyn qazaq dıasporasymen mádenı-gýmanıtarlyq baılanystar ornatýǵa, sondaı-aq óz elderine qaıtyp oralǵan qazaqtarǵa qoldaý kórsetýge baǵyttalǵan sharalar qamtylǵan.
Otandarymyzdyń aldynda sóılegen sózinde Nurtaı Ábiqaev Memleket basshysynyń bastamasymen qurylǵan Qordyń maqsattary men mindetteri týraly aıtty. Ol uıymnyń qyzmeti shetelde turatyn otandastarymyzǵa, sondaı-aq Qazaqstanǵa kelgen etnıkalyq qazaqtarǵa qoldaý kórsetýge baǵyttalǵanyn atap ótti. Bul rette, Qordyń negizgi mindeti tarıhı otanyna oralǵan otandastardyń beıimdelýine, sondaı-aq olardyń quqyqtary men zańdy múddelerine qoldaý kórsetýde aqparattyq, uıymdastyrýshylyq jáne konsýltatıvtik kómek kórsetý bolyp tabylady.
Qazaq dıasporasynyń ókilderi ózderiniń týǵan jerinen jyraqta bolsa da, tarıhı otanymen únemi baılanysta ekendigin, Qazaqstandaǵy barlyq mańyzdy oqıǵalar men jańalyqtardan qulaqdar ekendikterin, sondaı-aq, jas urpaqtyń ana tilin, mádenıetin jáne dástúrlerin úırenýde aıryqsha qoldaý kórip otyrǵandaryn atap ótti.
Atalǵan kezdesý Memleket basshysynyń «Rýhanı jańǵyrý» baǵdarlamalyq maqalasyndaǵy «ulttyq biregeılikti saqtaý» baǵyty aıasynda ótti.
Esterińizge sala keteıik, aǵymdaǵy jyldyń 8 qarashasynda Qazaqstan delegasıasy dıaspora máseleleri boıynsha Túrki keńesiniń otyrysyna qatysty, onda «Túrki keńesi túrkitildes dıasporalarynyń qyzmetiniń jalpy is-qımyl strategıasyna» ózgerister engizý týraly sheshim qabyldandy jáne osy strategıany júzege asyrý boıynsha birlesken is-qımyl Jospary qabyldandy. Sondaı-aq, «Otandastar» Qory Shetelderdegi túrki halyqtary basqarmasymen jáne olarǵa qarasty qaýymdastyqpen, Iýnýs Emre atyndaǵy Qor arasynda yntymaqtastyq jáne ózara túsinistik týraly Memorandýmdarǵa qol qoıyldy.
