Búgin Astana qalalyq ekinshi sotynda aıyptalýshy Malıka Muhıtova sońǵy sózin sóıledi. Bul týraly Sputnik Qazaqstan tilshisi habarlady.

Búgin sotta sońǵy sózin sóılegen Malıka Muhıtova marqum Eskendir Súleımenovtiń ata-anasynan taǵy bir márte keshirim surady. 

"Qoldaryńyzdan kelse, meni keshirýdi ótinemin…Bul qanshalyqty qıyn ekenin túsinemin. Men bulaı bolǵanyn shyn júrekten qalamap edim. Taǵy da qaıtalap aıtamyn, eger men ony der kezinde kórgende, qaıǵyly oqıǵaǵa jol bermes úshin barlyq sharany qolǵa alatyn edim. Ótinemin, raqymshyl bolyńyzdar, mende eshqashan mundaı maqsat bolǵan emes. Sol kúndi esh ýaqytta umytpaımyn. Sol kúnnen bastap búkil ómirim ózgerdi", — dep kózine jas aldy sottalýshy. 

♦Eskendir Súleımenovtiń qazasy: Polkovnıktiń qyzyna úkim shyqty

Malıka anasy ár juma saıyn shelpek pisirip, Eskendirdiń jany o dúnıede tynyshtyq tapsyn dep jalbarynatynyn aıtty.

"Bulaı bolǵanyn qalaǵan joqpyn. Eger sizderde bir tamshydaı túsinistik bolsa, taǵy bir márte ótinemin, meni keshirińizdershi", — dep jylady ol. 

♦Oljas Súleımenovtiń nemeresiniń qazasy: İİD bastyǵynyń qyzy kinásin moıyndady

Aıyptalýshy osydan eki aı buryn marqum onyń túsine kirgenin aıtty.

"Aq kıimmen jaǵajaı mańynda júgirip júr eken. Maǵan qarap kúlimsiredi, bir kishkentaı qyzben oınap júrdi. Sol sátte men onda bári jaqsy shyǵar dep oıladym", — deıdi Malıka. 

Sottalýshy Eskendirdiń ata-anasynan ony bas bostandyǵynan aıyrmaýdy surady. 

"Áke-sheshemdi, týǵan-týysqandarymdy, ata-ájemdi aıańyzdarshy. Ótinemin, keshirińizder, meni bas bostandyǵymnan aıyrmańyzdarshy", — dedi Malıka Muhıtova. 

♦Eskendir Súleımenovtiń qalyńdyǵy: Hatym sol kúıi oqylmaı qaldy

Eske sala ketsek, belgili aqyn, jazýshy Oljas Súleımenovtiń nemeresi 27 jastaǵy Eskendir Súleımenov Astanada jol apatynan kóz jumǵan edi.  Jol apaty Máńgilik el – Kereı Jánibek handar kósheleriniń qıylysynda bolǵan. Jas jigit motosıkl júrgizip kele jatqan. Eskendir Súleımenovti Qyzylorda oblysy ishki ister departamentiniń bastyǵy, polısıa polkovnıgi Qaırat Muhıtovtiń qyzy Malıka Muhıtova qaǵyp ketken. 29 jastaǵy Malıka Muhıtova ótken aptada ótken sot otyrysynda marqumnyń ata-anasynan jylap keshirim surady. Óziniń kinásin tolyǵymen moıyndap, zardap shekken tarapqa materıaldyq shyǵyndy tóleýge daıyn ekenin málimdedi.

♦Oljas Súleımenovti mazalamaıyq!

24 qazanda ótken sot otyrysynda zardap shekken tarap sottalýshydan 14 mıllıon teńge mólsherinde materıaldyq shyǵyn óndirýdi talap etken edi. Alaıda keıin marqumnyń otbasy ol talap-aryzdy qaıtaryp aldy. 

9 qarashada ótken jaryssóz barysynda memlekettik aıyptaýshy Álisher Baraev aıyptalýshy Malıka Muhıtovany eki jylǵa bas bostandyǵynan aıyrýdy jáne úsh jyl kólik júrgizýge tyıym salýdy suraǵan edi. 

Búgin marqumnyń ata-anasy qazaqstandyqtarǵa úndeý jasap, sottalýshynyń shyn ókingenine senbeıtinine aıtty.