Jýyrda Ulttyq ulannyń, 5517 áskerı bóliminiń sarbazy Qazaqstandyq samboshy qatardaǵy jaýynger Nurbol Serikov Rýmynıa astanasy Býhareste erler men áıelder arasynda ótip jatqan álem chempıonatynyń jeńimpazy atandy.
Dúnıejúzilik dodanyń alǵashqy kúninen bastap qarsylas shydatpaǵan Nurbol 68 kg salmaqta fınalda Ázerbaıjan eliniń ókili Emıl Gasanovpen kilemge shyqty. Asa tartysty beldesý 1:1 esebimen teń aıaqtaldy. Degenmen sońǵy upaıdy qazaqstandyq palýan alǵandyqtan, jeńis Nurbolǵa berildi.
-Men birte-birte qarqyndy údete tústim. Odan bir jyl buryn álem chempıonatynyń jartylaı fınalynda osy balýanǵa ese jiberip edim. Sonyń qarymtasyn qaıyrdym. Qýanyshta shek joq. Beldesý barysynda ustanǵan taktıkam óz jemisin berdi. Tizgindi ýysymnan shyǵarmaı, únemi shabýyldaýmen boldym. Ózim, osy jarysqa barynsha jaǵdaı jasaýǵa qol úshin bergen Qazaqstan Respýblıkasynyń Ulttyq Ulan áskeriniń Bas qolbasshysy general-leıtenant Rúslan Jaqsylyqov pen «Batys» óńirliq qolbasshylyǵynyń qolbasshysy general-maıor Álibek Seralıevke myń bir alǵysymdy bildirem.Osy komandırlerim jarysqa daıyndalýyma barlyq jaǵdaı jasady.Minekı, endi sonyń jemisin kórdim», – dedi Nurbol jarystan keıin.
Aıta keteıik, qatardaǵy jaýynger Nurbol Serikov 1993 jyly Qaztalov aýdanynyń Aqpáter aýylynda dúnıege kelgen. Alǵashqy bapkeri – Jeńis Stamǵazıev. Búgingi tańda Serik merzimdik áskerı qyzmetiniń Oral shaharynda ornalasqan 5517 áskerı bólimde adal abyroımen atqarýda.
Sóz sońynda aıtarymyz, altyn medal qutty bolsyn, aǵaıyn! Aldaǵy ýaqytta Nurbol áli de jeńisterimmen bizderdi talaı qýantady,- degen senimdemiz.
