Bul jóninde Mańǵystaý oblysy ákiminiń baspasóz qyzmeti málimdedi.

Kaspııdi qalamen astasqan jaǵalaýy sońǵy birneshe aıda úıilgen qoqys, tastan arylyp, turǵyndardyń demalýyna qolaıly orynǵa aınalǵan.

Bir jarym aı ishinde 1 shaqyrym 800 metr jaǵalaý jóndeýden ótip, 48 myń sharshy shaqyrym tas tóselgen bolatyn. 70 metr uzyndyqta dala sahnasy men jaǵalaýda balalarǵa arnalǵan oıyn alańdary boı túzedi. Al «Jartasty soqpaq» jobasy 6 shaqyrymdy qamtyǵan.

Bıyl sáýir aıynda bastalǵan jaǵalaýdaǵy jóndeý jumystary búginde 15 shaǵyn aýdan tusynda jalǵasyp jatyr.

Oblys basshysy Eraly Toǵjanov teńiz jaǵalaýyndaǵy qurylys jumystarymen tanysty. Bul jaǵalaý da jańa kelbetpen abattandyrylyp, 200 avtokólikke arnalǵan avtoturaq salynbaq.

Al jartastardyń janyna halyq aýzyndaǵy ańyz keıipkerleri qoıylyp, mıfter alańy ashylady. Sondaı-aq kezinde jekeshelengen jer telimi memleketke qaıtarylýda. Óńir basshysy ol jerdiń aldaǵy ýaqytta halyq demalatyn orynǵa aınalatynyn aıtty.

Sonymen qatar keler jyly «Samal» shaǵynaýdanyndaǵy teńiz jaǵalaýyn abattandyrý josparlanyp otyr. Sóıtip bula aımaq túrli mádenı-saýyq sharalaryn ótkizetin qoǵamdyq orynǵa aınalmaq. Sý betindegi meıramhana, sýburqaq syndy halyq ıgiligine paıdalanatyn nysandar da salý kózdelgen