Aqtaýda «Nur Otan» partıasy Mańǵystaý oblystyq fılıalynyń HHVIII esep berý-saılaý konferensıasy ótti. Jıynda Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýynda aıtylǵan tapsyrmalardy júzege asyrý boıynsha partıanyń róli talqylandy.

Konferensıa jumysyna oblys ákimi, «Nur Otan» partıasy Mańǵystaý oblystyq fılıalynyń tóraǵasy Eraly Toǵjanov, «Nur Otan» partıasynyń hatshysy Qanybek Jumashev, «Nur Otan» partıasy oblystyq fılıaly Saıası keńesiniń músheleri, partıa ardagerleri, «Jas Otan» jastar qanatynyń músheleri qatysty.

Búginde oblystyq fılıal quramynda 158 bastaýysh partıa uıymy jáne 26 432 múshesi bar. Usynylyp otyrǵan bastamanyń biri partıany jańǵyrtý jáne onyń qyzmetinde qazirgi zamanǵy tehnologıalardy qoldanýǵa baǵyttalǵan.

2018 jyldyń 10 aıynda qoǵamdyq qabyldaý bólimderine 1677 ótinish kelip túsken.

«Prezıdenttiń bes áleýmettik bastamasynyń» Mańǵystaý oblysynda iske asyrylýyn baqylaý boıynsha qoǵamdyq keńes qurylǵan. Eń ózekti másele «Árbir otbasyna baspana alýdyń jańa múmkindikterin berý» birinshi áleýmettik bastamadaǵy «7-20-25» baǵdarlamasyna qatysty boldy. Qazirgi tańda osy baǵdarlamamen ótinim bergen 326 adamnyń 212-ciniń ótinimine kelisim berildi. Nesıe somasy 1 733 496 246 teńgeni qurady, demek, 212 adamnyń baspana alýǵa qoly jetti. Mańǵystaý oblysy respýblıka boıynsha 3-orynda keledi.

Qanybek Jumashev partıa tarapynan jasalyp jatqan irgeli ister týraly aıtty.

- Elbasy, «Nur Otan» Partıasynyń Tóraǵasy N.Nazarbaevtyń tapsyrmasymen elimizde ekonomıkalyq, saıası jáne áleýmettik jańǵyrý júzege asyrylyp jatyr. Bizdiń saıası uıym osy ózgeristerdiń birinen de qalys qalmaı, eldi-mekenderde oryndalýyna zer salatyny anyq. Partıanyń óz ishinde de aýqymdy jańǵyrtý jumystary bastalyp ketti. Sonyń ishinde ýaqyt talabyna saı sıfrlandyrý mańyzdy ról atqarady, osyǵan kóbirek mán berilýi tıis, - dedi Qanybek Bekbolatuly.

Konferensıada partıanyń oblystyq fılıaly Saıası keńesiniń esepti merzimde atqarǵan jumysy jáne baqylaý-tekserý komısıasynyń esebi tyńdaldy. Odan keıin jańadan oblystyq fılıaly Saıası keńesi, Saıası keńes

Búrosy jáne baqylaý – tekserý komısıasynyń músheleri saılandy.

Shara barysynda «Nur Otan» partıasy Mańǵystaý oblystyq fılıaly baqylaý-tekserý komısıasynyń tóraıymy,Aqtaý qalalyq «Bilim úılestirý» ortalyǵynyń sektor basshysy Ada Kım «Nur Otan» partıasy Mańǵystaý oblystyq fılıaly baqylaý-tekserý komısıasynyń jumysy týraly esep berdi.

Jeke kásipker Sáken Qarjaýbaev memleket tarapynan kásipkerliktiń damýyna jasalyp jatqan qoldaýdyń baryn aıtyp, óz kásibin dóńgeleter jastardyń qatary arta túsetinine senim bildirdi. Sebebi keler 2019 jyl «Jastar jyly» bolyp jarıalanady, demek jastardyń máseleleri nazardan tys qalmasy anyq.

Bıylǵy oblystyq baıqaýǵa 13 uıym qatysyp, olardyń 3-i respýblıkalyq baıqaýǵa joldama aldy. Shara aıasynda «Eń úzdik bastaýysh partıa uıymy» baıqaýynyń jeńimpazdary marapattaldy.

HHVİİİ esep berý-saılaý konferensıasynyń jumysyn qorytyndylaǵan«Nur Otan» partıasy Mańǵystaý oblystyq fılıalynyń tóraǵasy, oblys ákimi Eraly Toǵjanov keler jyly partıanyń 20 jyldyǵyn joǵary deńgeıde atap ótýge shaqyrdy. Konferensıa sońynda «NurOtan» partıasynyń Ánurany oryndaldy.