Respýblıka alańy ǵımaratynda Qazaqstandyq BAQ-tyń iri 13 redaksıasy ornalasqan. Búgin KTK telearnasy ǵımaratyna bomba qoıylǵany jaıly qońyraý túsipti.

"KTK jańalyqtar redaksıasyna jarylǵysh zat qoıylǵany jaıly qońyraý tústi. Nátıjesinde jedel tótenshe qyzmeti ǵımaratta otyrǵan barsha qyzmetkerdiń evakýasıasymen aınalysyp jatyr»,- dep málimdedi Almaty qalasy İİB-niń resmı ókili Saltanat Ázirbek Qamshy.kz aqparat agenttiginiń tilshisine.

İzdestirý jumystary júrgizilip jatyr. Jol patrúldik polısıasy kólikti qaýipsiz aımaqqa jiberilýde degen aqparat bar.

Qamshy.kz redaksıasy KTK jýrnalısi Dıas Nuraqynǵa qońyraý shaldy. Áriptesimiz "Bizge bomba qoıylǵandyǵy týraly qońyraý shalynǵany ras. Dál qazirgi sátte ujymmen ǵımarat syrtyndamyz, evakýasıa jasalyndy" dep aıtty.