Qazaqstandyq boksshy Danıar Eleýsinov (4-0, 2 KO) Ortalyq komýnıkasıalar qyzmetindegi (OKQ) onlaın baspasóz máslıhaty kezinde Monakodaǵy jekpe-jeginde ózine jankúıer bolýǵa shaqyrdy, - dep habarlaıdy Qamshy.kz aqparat agenttigi Vesti.kz saıtynyń deregin negizge alyp. 

Qazaqstanda jekpe-jektiń tikeleı translásıasy qarashanyń 24-nen 25-ne qaraǵan túni kórsetiledi. 

"Maǵan jankúıer bolǵan barlyq otandastaryma alǵys bildirigim keledi. Jekpe-jegimdi tań demeı, tún demeı kórip, teledıdardyń aldynda jekpe-jekti taǵatsyzdana kútip, maǵan qoldaý bildiretin jankúıerlerime rızashylyǵymdy bildiremin. Maǵan jankúıer bolyńyzdar! Men úshin duǵa jasaýlaryńyzdy suraımyn. Raqmet, senimderińizdi aqtaýǵa tyrysamyn", - deıdi Eleýsinov. 

Eleýsinov - Mohıka jekpe-jegi qarashanyń 24-nen 25-ne qaraǵan túni "Kazıno de Monte-Karlodaǵy" boks keshinde bolady. Bul keshtiń basty jekpe-jeginde alǵashqy aýyr salmaqtaǵy burynǵy álem chempıony reseılik Denıs Lebedev (31-2, 23 KO) amerıkalyq Maık Ýılsonmen (19-0, 8 KO) judyryqtasady.