Ýkraınada depýtattar jıyn kezinde tóbelesip qaldy dep jazady Qamshy.kz aqparat agenttigi. Bul jaıt kanondyq ýkraın pravoslavıe shirkeýiniń ataýyn ózgertýge baılanysty zań jobasyn talqylaý jıynynda boldy.
Bul usynysty jıyndaǵy 240 depýtat maquldady. Alaıda daýys berý aıaqtalǵannan keıin 10 shaqty depýtatttyń arasynda jappaı tártipsizdik oryn aldy. Opozısıalyq ókil Nestor Shýfrıch qarsy taraptyń plakatyn podıýmnan alyp tastaýǵa tyrysqan. Onyń bul áreketi Iýrıa Bereza atty áriptesiniń narazylyǵyn týdyryp, keıin olardyń arasyndaǵy daý bir top depýtattyń tóbelesine ulasty.
