Marokkoda ekstremıster týrıs qyzdyń basyp kesip alyp, onyń qurbysynyń tamaǵynan oryp jibergen, qaskúnemder munyń bárin vıdeoǵa túsirip alǵan dep habarlaıdy Qamshy.kz aqparat agenttigi Sputniknews.kz saıtynyń deregin negizge alyp.
24 jastaǵy danıalyq Lýıza Vesterager Iespersen men 28 jastaǵy norvegıalyq Maren Ýelandtyń máıiti Imlıl eldi mekenine jaqyn mańdaǵy taýlardan tabylǵan. Olardy jergilikti turǵyn taýyp alypty.
«Men polısıa kelgenge keıin eki máıitti kórdim. Biri shatyrda, biri syrtta jatty. Syrttaǵysynyń basyn kesip alǵan», — dedi jeke basynyń qaýipsizdigi úshin aty-jónin ataýdan bas tartqan turǵyn.
Qyzdardy sońǵy ret Marrakesh qalasyndaǵy Faouzi qonaqúıiniń qyzmetkerleri kórgen.
«Olar tańǵy 10-da kelip, qonaq úıde túnedi. Olar beseý edi. Bári týrıs. Kelesi kúni tańerteń úsheýi serfıngke (sýda syrǵanaý) ketti, qalǵan ekeýi – Lýıza men Maren zattaryn qaldyryp, qalaǵa attandy», — dep túsindirdi qonaqúı qyzmetkeri.
Onyń aıtýynsha, qyzdar keshke qonaqúıge qaıtyp oralǵan kezde jergilikti úsh jigit erip kelgen.
«Zattaryn alyp ketý úshin saǵat beste qaıta oraldy. Olardy úsh marokkolyq kútip turdy. Uqypty kıingen, qylmyskerlerge uqsamaıdy», — dep tolyqtyrdy ol.
Osydan keıin qyzdar qonaqúıden jergilikti turǵyndarmen birge ketip, sodan beri eshkim kórmegen.
