Barshamyz biletindeı, zamanaýı Qazaqstannyń qalyptasýyna shaǵyn jáne orta kásipkerlik edáýir áser etti. Óıtkeni, dál osy sala ekonomıkalyq jáne áleýmettik turaqtylyqtyń negizi sanalady. Ony ilgeriletý – ekonomıkalyq áleýet pen áleýmettik ál-aýqattyń artýyna arqaý bolady. Sondyqtan da bul salanyń ári qaraı da damýy elimiz úshin asa mańyzdy.
Qazirgi tańda memleketimizdegi shaǵyn jáne orta kásipkerliktiń damýyna kedergi keltirip otyrǵan faktorlar óte kóp. Máselen, bıznesti durys basqarmaý, burys sheshimder qabyldaý, kadrlyq saıasat, kásipkerlerdi qorǵaıtyn qarjylyq júıeniń joqtyǵy, ınvestor máselesi jáne de basqa ár-túrli problemanyń bar ekendigi barlyǵymyzǵa ańyq. Osyndaı máselelermen kúresýde álem elderi qandaı sheshimder qabyldady? Qandaı jańashyldyqtar engizdi? Osy suraqtarǵa jaýap tabý úshin álemdik tájirıbege toqtalsaq.
Búgingi tańda halyqaralyq arenada alpaýyt kompanıalar ózderiniń bıznesin ilgeriletý úshin, ondaǵy túıtkildi máselelerdi sheshý úshin sıfrlyq platformalardy keńinen qoldanady eken. Mundaı kompanıalardyń sany da jyl sanap artyp keledi. Solardyń ishindegi alpaýyt kompanıalar – amerıkalyq Amazon men qytaılyq Alibaba kompanıalary. Osynyń arqasynda olardaǵy bıznes-model óte joǵary deńgeıde damyǵan. Kompanıalardyń tabysy artyp, olardyń damýyna barlyq jaǵdaı jasalǵan. Buǵan qosa, koreıalyq Bizmeka kompanıasy men sıngapýrlyq Mybusiness kásiporny da sıfrlyq platforma boıynsha jumys isteıtin úzdik kompanıalardyń qatarynan kórinip otyr. Bizmeka, Mybusiness, Alibaba jáne Amazon kompanıalarynyń sıfrlyq platformasynyń maqsaty – taýarlar satýǵa, marketıń, jetkizýshilerdi izdestirý, býhgalterlik esep jáne logıstıka salasynda qajetti qyzmetterdi bir ortalyqtan alýǵa jaǵdaı jasaý. Nátıjesinde kásip ıelerine qolaıly jaǵdaı jasalyp, ózderine qajetti qyzmetterdi yńǵaıly alýda. Qyzmet alýǵa ketetin ýaqyt ta qysqaryp, óndiris oryndarynyń ónimdiligi artyp jatyr.
Degenmen, qazaqstandyq bıznestegi birqatar máselelerdi sheshýge arnalǵan sıfrlyq platforma (Ismet.kz) elimizde de bar. Jobanyń negizgi ıdeıasy – eldegi bıznestiń tıimdiligin arttyrý ári naryqtaǵy barlyq qatysýshylardy bir platformaǵa biriktirý. Iaǵnı, kásipkerler, tutynýshylar jáne memleket bir alańda toǵysatyn bolady. Osylaısha, osy jobany júzege asyrýshy «Qazaqtelekom» AQ otandyq bıznestiń damýyna úles qospaq. Olar usynyp otyrǵan servıs is júrgizýdiń dástúrli formatyn jańartylǵan jaıly jaǵdaıǵa almastyrýdy kózdeıdi.
Búginde shaǵyn jáne orta bıznestegi shekteýlerdiń kóp túri kásipkerlikpen aınalysýǵa jáne is júrgizýge kedergi keltirip otyr. Qazaqstandyq bıznestegi mańyzdy másele – tutynýshylyq bazanyń azdyǵy. Atalǵan másele marketıńke bólinetin qarjynyń joqtyǵynda. Al Ismet.kz bolsa taýaryńyzdy jarnamalaýǵa járdemdesetin bolady. Sondaı-aq, onyń quny tegin. Bul ásirese bıznesti jańadan bastaýshylar edáýir kómek. Otandyq kásipkerliktegi taǵy bir problemalardyń biri retinde ınvestorlardyń joqtyǵyn aıtsaq bolady. Bul máseleni de ashyq sıfrlyq platforma arqyly sheshýge bolady. Nege deseńiz, alańnyń aıasynda ashyq dıalog ornatýǵa, baılanys jasaýǵa bolady. Elimizde kóp kompanıalar básekege tótep bere almaı, jabylyp qalyp jatady. Buǵan basty sebep – bıznesti basqarýdaǵy qatelikter. Osy problemaǵa da sıfrlyq platformanyń aıasyndaǵy qyzmetter kómektesetin bolady. Jahandyq naryqta elektrondy saýda salasy damyp keledi. Elimizde bul kórsetkish jyl saıyn 30 paıyzǵa artady eken. Bul salanyń damýyna da Ismet.kz platformasy óz septigin tıgizedi. Mundaı paıdaly qyzmetter sany munymen shektelip qalmaıdy. Atalǵan tyń joba kún sanap keńeıe túspek. Osylaısha shaǵyn jáne orta kásipkerliktegi kóptegen máseleler óz túıinin tabatyn bolady.
