«Qazaqtelekom» AQ «Sıfrlyq Qazaqstan» memlekettik baǵdarlamasynyń aıasynda bızneske arnalǵan ashyq sıfrlyq platformasynyń qyzmetin usynýda. Elimizdegi jetekshi baılanys operatory sanalatyn bul kompanıa AKT-qyzmetterin usyný boıynsha da baı tájirıbege ıe. Onyń 15 Data-sentrlerine (kólemi 11,5 myń sharshy metr) 22 myń servıs sıady. Bul degenimiz, aqparattyq qaýipsizdik óte joǵary deńgeıde degen sóz. Tipti munda álemdegi alpaýyt kompanıalar – Google men Facebook-te ózderiniń derekterin saqtaıdy eken.
Jetekshi kompanıa usynǵan sıfrlyq qyzmet arqyly elimizdegi elektrondy saýda damı túspek. Atap aıtqanda, Ismet.kz platformasy onlaın saýda naryǵyn ilgeriletýge atsalysady. Resmı derekter boıynsha, elimizde elektrondy saýda salasy jyl saıyn 30 paıyzǵa artyp keledi. Degenmen,
e-kommersıa boıynsha álemdik reıtıńte 88-shi orynǵa turaqtappyz. Al aqparattyq tehnologıalardy bızneste qoldaný boıynsha 67-shi orynda ekenbiz. Munyń barlyǵy sıfrlyq áleýetimizdi tolyqtaı kórsetip otyr.
Alaıda, elimizde sıfrlandyrýǵa qatysty keshendi sharalar júrgizilýde. Buǵan qatysty arnaıy memlekettik baǵdarlama da bar. Jańa tehnologıalardy keńinen qoldaný jáne sıfrlyq alańdardy tıimdi paıdalaný joǵarydaǵy kórsetkishterdiń ózgerýine áserin tıgizeri anyq. Ásirese, shaǵyn jáne orta kásipkerlikke arnalǵan sıfrlyq alań – bıznes salasyndaǵy jańashyldyqtarǵa ákeledi. Iaǵnı, elektrondy qyzmetter damyp, onlaın qujattar odan saıyn jandana túspek. Bul óz kezeginde kásipkerliktiń damýyna jańa serpin beretin bolady.
Ashyq sıfrlyq platformadan kásipkerler qandaı kómek ala alady? Eń aldymen taýaryn satýǵa, qyzmetterin usynýǵa jańa naryqty tabady. Budan bólek, memlekettik qoldaý týraly aqparattar men keńesterdi ala alady. Blogtar men forýmdar arqyly seriktes izdeýge, basqa kásipkerlermen dıalog qurýǵa múmkindikteri paıda bolady. Kásipterin ilgeritýge arnalǵan analıtıkalyq maqalalarmen tanysa alady.
Ismet.kz-tiń tıimdilikteri men artyqshylyqtaryna keler bolsaq, bul bir alańda jınalǵan túrli servısterdi alý, jańa naryqtyq múmkindikterdi ıgerýge múmkindik beredi, bıznestiń básekege qabilettiligin arttyrady, bilikti kadrlarmen qamtamasyz etedi.
Osyndaı sıfrlyq alańnyń arqasynda bıznes-elıta kásibine qatysty qyzmetterdi tez, jeńil, qoljetimdi, yńǵaıly nusqada ala alady. Munda kásibin endi ǵana bastaımyn degen jas bıznesmenderge de úlken múmkindikter qarastyrylǵan. Máselen, marketıń boıynsha tegin zertteýler men keńester tegin túrde beriledi.
