Qazaqstandyq boksshy Meıirim Nursultanov AQSH-ta kezekti jekpe-jegin ótkizdi, - dep habarlaıdy Qamshy.kz aqparat agenttigi Vesti.kz portalyna silteme jasap.

Meıirim Nursultanov meksıkalyq Ramon Agınagımen segiz raýndqa sozylǵan kezdesý ótkizdi. Qazaqstandyq boksshy ony ekinshi raýndta nokaýtqa túsirgen. Osylaısha Nursultan kásipqoı bokstaǵy onynshy jeńisine jetip otyr.

Boks keshi aıasynda taǵy bes jekpe-jek ótti. Keshtiń eń basty shoýy qazaqstandyq Madıar Áshkeev pen pýertorıkalyq Lýıs Ernandestiń kezdesýi boldy. Áshkeevtiń jekpe-jegi on raýndqa sozyldy. Nátıjesinde sýdıalardyń sheshimimen Áshkeev jeńiske jetti.

Aıta keteıik, Áshkeev pen Nursultanovtyń múddelerin amerıkalyq Main Events promoýterlik kompanıasy men  menedjer Egıs Klımas qorǵaıdy.