Álemdik sarapshylar áli de Reseı men Ýkraına arasyndaǵy qarym-qatynastyń jaqsarýynan úmittenedi. Biraq oǵan negiz bar ma? Keıbir sarapshylar ústimizdegi jyldyń 31 naýryzynda Ýkraınada ótetin prezıdenttik saılaýǵa úlken úmit artyp otyrǵanyn da jasyrmaıdy. Múmkin, sodan keıin jaǵdaı jaqsaratyn bolar. Desek te...

Ekinshi bir saıasattanýshylar eki el arasynda taıaý ýaqytta soǵys bolýy múmkin degen boljam aqıqatqa saı kelmeıdi degen pikirde. Ýkraına syrtqy barlaý qyzmetiniń burynǵy basshysy, general-leıtenant Vasılıı Bogdan –«Prezıdenttik saılaýǵa deıin eki el arasynda soǵys bolmaıdy. Bul naqty nárse» degendi aıtty. Áskerı generaldyń pikirine qaraǵanda, «qazir resmı Máskeý Kıevtegi saıası rejımniń aýysýyn kútip otyrǵan» sekildi. «Biraq qandaı jaǵdaıǵa qaramastan, keń aýqymdy soǵys bastalady» deý aqıqatqa saı kelmeıdi. Eger Reseı áskerleri Ýkraına shekarasyna basa-kóktep kirgen jaǵdaıda ǵana soǵys bastaldy». Bul Syrtqy barlaý qyzmetinde istegen burynǵy basshynyń sózi. Degenmen de, general-leıtenant Vasılıı Bogdannyń aıtýynsha, qazirgi ýaqytta Ýkraına qarýly kúshteriniń bas shtaby Donbass aýmaǵyn Ýkraınaǵa qaıtarýǵa qatysty keń kólemdegi operasıany júzege asyrýǵa úlken joba daıyndap jatyr.