Shyǵys medısınasy boıynsha adamnyń qulaǵynyń formasyna, kólemine jáne qalaı ornalasqanyna qarap onyń mineziniń ereksheligin, erik kúshin, belsendiligin, sondaı-aq densaýlyǵyn da bilýge bolady. Sondyqtan psıholog, psıhıatr men krımınalıs bolmasańyz da, muny bile júrgenniń zıany joq.

 Eger qulaǵy  qasynan joǵary ornalassa, onda ol adam óte joǵary ıntellekt ıesi bolǵany.  Al qulaǵy qasymen bir deńgeıde ornalassa – ol adam lıder bolýǵa umtylady jáne óz betinshe kesip-pishe alady degen sóz. Mundaı adamdar optımıs bolyp keledi jáne kózdegen maqsatyna kúsh salýymen erekshelenedi.

Al endi qulaǵy qasynan tómen, kózimen bir deńgeıde ornalassa, onda ol ortasha ıntellektiniń adamy. Qulaǵy kózinen tómen ornalassa, onda ol darynsyzdyqtyń, aqyl-oıdyń kemdiginiń  belgisi.

Bir qulaǵy ekinshisinen bıik ornalassa – ondaı adammen bástesip áýre bolmańyz. Sebebi, ondaılar logıkaǵa baǵynbaıdy, jeńilgenin moıyndamaıdy.

Qulaǵy tym kishkentaı (6 sm-ge deıin) adamdar – jeńil, ústirt oılaıtyndar. Romantık keıiptegi mundaı adamdar kez kelgen kisiniń ýádesine, anty men sertine qulaı sengish bolyp keledi. Densaýlyǵy pálendeı myqty bolmaıdy.

Qulaǵy ortasha adamdar kertartpa, eskishil bolyp keledi. Esesine otbasy men qyzmetti sheber úılestire biledi.

Qulaqtyń úlken (7 sm-den úlken) bolyp kelýi ózine degen senimdilikti, pysyqtyqty, eti tirilikti bildiredi. Ári myqty densaýlyqtyń belgisi.

Úlken qalqan qulaq kóbinese óte talantty mýzykanttarǵa tán. Máselen, buǵan Nurǵısa Tilendıev pen Shámshi Qaldaıaqovtyń qulaǵyn jatqyzýǵa bolady.

Eger sol qulaǵy oń qulaǵynan úlken bolsa, onda onyń ıesi naqty ǵylymdarda úlken tabysqa jetedi, al oń qulaǵy úlkender – týmysynan gýmanıs adamdar.

Qulaqtyń syrǵalyǵynyń kólemine qarap jynystyq belsendilikti de anyqtaýǵa bolady.

Qulaq syrǵalyǵy úlken adamdar tósek qatynasyna jıi barýdy súıetinder. Al qulaq syrǵalyǵy mınıatúralyq keıiptegiler tósektiń jıiliginen góri onyń san qyrly bolǵanyn qalaıtyndar.

Qulaq syrǵalyǵy ortashalar tósek qatynasynyń sany men sapasyn úılestire biletinderdiń qataryna jatady.

Sozylyńqy qulaq ıesi – ádeptilik pen bıazylyqqa jaqyn, áserlengish adam.

Keń qulaqtylar – realıs, durys, týra oılaıtyndar.

Ushtalǵan súıir qulaq ıeleri – qý, jylpos, aılaker adamdar.

Qulaǵy joǵary qaraı súıirlenip, jymqyryla bitken adamdar óte qatygez bolyp keledi.

Qulaǵynyń ústińgi jaǵy tompaq, shoshaq, kertesh bolsa, adamdarmen qarym-qatynasta abaı bolyńyz! Sizdiń mysqylyńyz kez kelgen adamdy ońbaı jaralaýy múmkin.

Qulaǵyn qalyń jún basqan adamdar kisini durystap tanı almaıdy, esesine olardyń temperamenti týraly ańyzǵa bergisiz áńgime bar.

 İri qulaq jáne jýan qulaq terisi ıesiniń densaýlyǵynyń myqty ekenin jáne uzaq ómir súretinin, sonymen birge ónerge qyzyqpaıtyndyǵyn aıǵaqtaıdy.

Qulaǵy tez ysyp, tez qyzaryp shyǵa keletin (tipti bul belgi kútpegen jerden jáne sál ýaqytqa bolsa da) adamdar jyldam reaksıaly, agresıaǵa jaqyn, gıpertonıa men júıke tozýyna beıim bolyp keledi. Kerisinshe qulaqtyń salqyn jáne bozańdanyp turýy da júıke júıesiniń álsiregenin bildiredi.

Qulaǵynyń ysýy men qyzarýy tómen adam sylbyr, samarqaý, bos bolyp keledi.

Qulaqtyń jalpy qyzaryp, kógerip, qara qoshqyldanyp turýy baýyr men asqazan, júrek, ishek aýrýyn bildiredi.

Qulaq terisiniń tym juqaryp jarqyrap turýy – dene kúshiniń álsirep, azǵandyqtyń, jadap-júdegendiktiń belgisi.

Qulaq túbinde, ásirese aldynda ájimniń kóp bolýy jalpy organızmniń álsiregenin bildiredi.

Qulaq aınalasyndaǵy qońyr, qyzylqoshqyl daqtar toq ishek pen ash ishektiń aýyratynyn, ornanızmde mıneraldy zattardyń jetispeıtinin kórsetedi.

Qulaq syrǵalyǵynyń joqqa tán nemese óte kishkentaı bolýy – oılaı bilý qabiletiniń tómendigin bildiredi.

Qulaq syrǵalyǵynyń tórtburyshty bolyp kelýi – fızıkalyq orasan qara kúshti, agresıaǵa tym beıimdilikti tanytady.

Syrǵalyqtyń úlken sozylyńqy jáne súıir bolyp kelýi – iri oıshyldyqtyń, eńbeksúıgishtiktiń, ishki kúshtiń mol ekendiginiń belgisi.

Syrǵalyqtyń jastyq syndy mamyq ári jýan bolyp kelýi – semizdikke beıimdilik pen oı belsendiligińiń tómendegenin bildiredi.

Qulaq syrǵalyǵy rabaısyz úlken ári úılesimsiz formada bolsa, ondaı adam genetıkalyq jaǵynan onkologıalyq aýrýlarǵa beıim bolǵany.

Qulaq syrǵalyǵynyń búrmelenip, qyrtystanyp, qatparlanyp turýy ateroskleroz, ınsýlt pen ınfarktke ushyraý múmkindiginiń, dıabet aýrýynyń belgisi.