Energetıka mınıstri Qanat Bozymbaev Almatyda AI-92 markaly benzınniń arzandaý sebebin túsindirdi, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

"Qazir Qazaqstanda benzınniń artylyp qalyp jatqany baıqalýda. Qańtardan beri osylaı", — dedi mınıstr úkimet kýlýarynda. 

Aıtýynsha, Shymkenttiń munaı óńdeý zaýytynda, jalpy elde taýardyń artylyp, barlyq rezervýardyń tolyp qalý qaýpi týyndaǵan. Sondyqtan MÓZ-diń júktemesi tómendetilgen.

Sondaı-aq, Bozymbaev Almatyda janar-jaǵarmaı baǵasynyń tómendeýi – naryq reaksıasy ekenin atap ótti. 

"Qazirgi tańda benzın baǵasy rettelmeıdi. Shamamen 150 teńge shamasynda qalady dep boljap otyrmyz", — dedi mınıstr. 

Aıta ketsek, búgin birqatar BAQ Almatyda benzın arzandaǵanyn habarlaǵan edi.