2013 jylǵy 10 naýryzda kólemi Chelábide qulaǵan meteorıtten úlken 2013ET iri asteroıdy Jerdiń mańynan aǵyp ótti. Bul týraly CNN telearnasy AQSH Ulttyq aýada júzý jáne ǵarysh keńistigin zertteý agenttigine ((NASA) silteme jasap habarlady. RBK agenttiginiń habarlaýynsha, ǵalymdardyń aıtýynsha, asteroıd Jer betine 975 myń shaqyrym qashyqtyqqa deıin jaqyndady, bul Aı men jerdiń qashyqtyǵynan 2,5 ese kóp. Asteroıdtyń dıametri 80 metrge jýyq. Astronomdardyń atap ótýinshe, asteroıdty túngi aspanda teleskoptyń kómegimen kórýge bolatyn edi. Eske sala keteıik, 2013 jylǵy 15 aqpanda 2012 DA14 asteroıdy ǵalamsharymyzdyń janynan, Jerden 28,2 myń shaqyrym qashyqtyqta oıdaǵydaı ótip ketti. NASA málimetterine qaraǵanda, ol burynǵy belgili asteroıdtarǵa qaraǵanda Jerge edáýir jaqyndap keldi, onyń joly baılanys spýtnıkteriniń qozǵalys orbıtasy ishinde boldy. Derekkóz: QazAqparat