Qaraǵandy oblysy Sátpaev qalashyǵynda eki qabatty úıden órt shyǵyp, sonyń saldarynan 4 jastaǵy búldirshin qaza tapty. Al onyń anasy aýyr jaǵdaıda aýrýhanaǵa jetkizilgen, dep jazady Qamshy.kz aqparat agenttigi Sputniknews.kz saıtynyń deregine súıene otyryp.

«Órt shyqqany týraly aqparat seısenbi kúni saǵat 05:22-de kelip tústi. Oqıǵa ornyna dereý jetken órt sóndirýshiler ony 06:12-de aýyzdyqtaǵan. Órtengen úıden 2015 jylǵy búldirshinniń denesi tabyldy. Sondaı-aq, kúıik jaraqaty men tútinniń ıisinen ýlanǵan 1988 jylǵy áıel aýrýhanaǵa jetkizildi», - dep málimdedi Qazaqstan İİM TJK baspasóz qyzmeti.

Órttiń neden paıda bolǵany áli zerttelýde. Ony sóndirý úshin 22 órt arnaıy jasaq pen 6 órt sóndirgish tehnıkalar paıdalanyldy.

Daıyndaǵan: Nazerke Labıhan