Elimizge tanymal ánderdiń avtory, ánshi Gaýhar Álimbekova 30 qańtarda 6 jylǵa bas bostandyǵynan aıyrylǵan bolatyn. Belgili aıtysker aqyn Aınur Tursynbaeva osy iske qatysty ánshige qoldaý bildirip, óziniń paraqshasynda Gaýhar Álimbekovany óner úshin jaralǵan jandy turmege toǵytqan durys emestigin aıtady.

♦Gaýhar Álimbekovanyń taǵdyry: «Mýzart» saǵan aıtam... Tóreǵalı men Qaırat, sen tyńda!

"Danyshpansyp eshteńe demeı-aq qoıaıyn..Biraq el bolyp, jurt bolyp óner úshin jaralǵan júrekti qamatyp tastap qarap otyrǵanymyz súıegimizge tańba!!! Byltyr Tuńǵyshbaı, bıyl Gaýxar.. Kelesi kim?! Qurbysyn da kinalaǵym kelmeıdi-aq. Biraq Alla razylyǵy úshin keshirip jibergenińizde Allanyń sheksiz nyǵmetine bólener edińiz ǵoı, qap. Ne boldy endi?! Bálkim bir qorqytyp ta qoıǵyńyz kelgen shyǵar..Gaýxardyń ózi de bulaı bop ketedi dep oılamaǵan aý.
Muqtar Shaxanovtyń "Áke úkimi" degen óleńin oqyńyzdarshy. Maxambetteı aqyndy óltirgen jaýyzǵa óz týǵan ákesi úkim shyǵaryp turyp aıtqan sózi bar:
"Aqyn degen kıeli aqqý samǵaǵan
Al, endeshe aqqýdy atqan adamdy,
Qaı atańnan kórip ediń ońbaǵan?!" Aqsha jınalar..Gaýxar apamyz bostandyqqa shyǵar.. Biraq óner úshin jaralǵan názik júrek bul synaqty kótere alar ma eken?! Mynadaı áýezdi ánder endi ol júrekten shyǵar ma eken? Zań bárimizge birdeı.. Biraq eldiń erkelerine degen qurmet qaıda?! Qazaq án ónerine sizdeı úles qosqan qyzdar az! Muzart "Bir tamshy kózdiń jasyndaı" dep án salǵanda úzilip tyńdaǵan jankúıer jurt qaıda?! Qyzdyń qarǵysynan qorqatyn qabyrǵaly qazaq qaıda?! Janashyr aǵalar qaıda?! Osynsha qatygezdikke kim úıretip jatyr bizdi?! Bul qazaq óneri úshin eń qasiretti kún.. "Bir tamshy kózdiń jasyndaı" móldirep kete bardyńyz aý janym apke.. Jyly tósegimizde jatyp janymyz aýyryp jatyr.. Sup-sýyq qabyrǵalardyń arasynda jaýrap jatqan shyǵarsyz.. Sál shydańyz..! Halyqtyń erekshe ystyq yqylasyn seziný úshin osy synaq kerek te bolǵan shyǵar... "Jaqsylar jaqsymyn dep aıta almaıdy..
Jamandar jaqsymyn dep aıqaılaıdy..
Kúnde kórip júrgen soń qadiri joq,
Taýlardyń bıiktigi baıqalmaıdy..
Bizdiń el óz jaqsysyn ózi óltirip,
Artynan asyn berip toı toılaıdy..."  - dep jazady aıtysker aqyn.

♦"Gaýhardaı asyl qyzdarymyzdy qorǵamasaq, advokattyǵyma syn bolar..."

Esterińizge sala keteıik, Gaýhar Álimbekovaǵa qatysty sot otyrysy ótip, sot ánshini 6 jylǵa bas bostandyǵynan aıyrý týraly úkim shyǵarǵan bolatyn.

Usynǵan: Nazerke Labıhan