Bári de,Otan, sen úshin! 
Máýelep turǵan jemisim,
Eselep jatqan jeńisim-
Bári de Otan, sen úshin! 

Bireýge berseń jeń-ushyn, 
Beremin men de jeń-ushyn. 
Bermeseń óziń kelisim, 
Bermeımin men de kelisim!

Kindigim máńgi baılanǵan, 
Kıeli meniń órisim! 
Qıly bir qıyn shaqta da, 
Ózińdeı janym -Aqqala. 

Ala jibin eshkimniń , 
Basa kóktep, attaman. 
Dosyma kózimdi alartyp, 
Judyryq túımen jatqa da.
Aldyńda aq qoı, aq balań... 
Aq balań,Otan! 
Aq bolam!!! -dep Uly aqyn, Otanyn ómir boıy jyrlyp ótken edi.

Muqań, Muqaǵalı! Qazaqtyń dúldil aqyny! 88 degen shyńnyń basynda Han táńirine qarap kóz jetpeıtin bıikten menmundalap tur. "Eki segiz" sheksizdiktiń egizindeı bolsa kerek. Árıne,týǵan jeri Qarasazda eli eske alyp, Uly aqynǵa laıyqty qurmet jasap "týǵan kúni" Naǵıman anamyzben Maqataı atamyzǵa da quran baǵyshtap jatqan bolar. Aýa-raıy da Astanadaǵydaı emes, kúnniń shýaǵy molaıyp halyqtyń meıirimine ulasqan shyǵar. Bizde de Astanada keshegideı qatań sýyq synǵandaı,aıazdyń beti basqa jaqqa bettegendeı... 

Astanada da aqyn janyn túsinetin jan bolsa eger... Olar Astana Sýretshiler odaǵy Qazmedıa ortalyǵymen birlesip Muqaǵalıdyń týǵan kúnine arnap kórme uıymdastyrdy. Tanymal sýretshi, grafık, keskindemeshi Qazaqstan Respýblıkasynyń "Eren eńbegi úshin" medaliniń ıegeri Almas Bolathanuly Syrǵabaevtyń shyǵarmalary kópshilikke burynnan tanymal. Bul joly Almas Muqaǵalı jyrlaryna arnalǵan kórkem týyndylaryn kórmege qoıdy. Sýretshi janyn túsinetin Muqań tiri bolsa, "Almasjan saǵan arnadym" dep jyr joldarynan shashý shashar edi-aý. Almastyń bul shyǵarmalary keleshek urpaqqa, tipti myńdaǵan jyldarǵa óshpeıtin eskertkish ekenin bireý bilse, bireý bilmes. Meniń aıtarym: "Almas, sen máńgilikke Muqaǵalı Maqataevty taǵy da bir qyrynan tanyta tústiń. "Otanym, saǵan aıtamyn"  tolǵaýyn Almasjan sen jalǵastyrdyń jáne jalǵastyra berýińe tilektespin!" - dep aǵynan jaryla jazǵan eken Januzaq Músápir Feısbýk paraqshasynda.

Endeshe, sol kórmeden birneshe sýretti nazarlaryńyzǵa usynaıyq.

Usynǵan: Maqpal Sembaı