Baqytjan Saǵyntaevtyń úkimettegi alty jyldyq joryǵy sonymen aıaqtaldy. Onyń aldaǵy ýaqytta qaıda baratyny týraly áńgime bólek. Aqıqaty, Baqytjannyń joly ashyq boldy. 2012-213 jyldary «Nur Otan» HDP-nyń tóraǵasynyń birinshi orynbasary qyzmetinde bolǵannan keıin onyń laýazymdyq qyzmetinde órleý bastaldy. Bir sát kóz júgirtińiz, 2013 jyl 16 qańtardan bastap jańadan qurylǵan Qazaqstan Respýblıkasynyń Óńirlik damý mınıstri jáne Premer-mınıstriniń birinshi orynbasary.

2013 jyldyń 6 qarashasynda Memleket basshysynyń Jarlyǵymen Premer-mınıstrdiń birinshi orynbasary –  Óńirlik damý mınıstri qyzmetinen bosatylyp,  Premer-mınıstrdiń birinshi orynbasary bolyp taǵaıyndaldy. 2014 jylǵy 7 sáýirden Qazaqstan Respýblıkasy Premer-mınıstriniń birinshi orynbasary. Saǵyntaev 2016 jyldyń qyrkúıeginen úkimet basshysy qyzmetin atqardy. Bárin qosqanda ol Úkimette alty jyldan astam ýaqyt boıy jumys istedi.

Árıne Saǵyntaevtyń úkimetinde kemshilikter de oryn aldy. Onyń eń shyrqaý shegi kóp balaly analardyń janaıqaıy der edik. Degenmen 2,5 jyl jumys istegen bul úkimettiń óz artyqshylyqtary da boldy. Sonymen...

1. Saǵyntaev úkimeti táýelsiz Qazaqstan  tarıhyndaǵy eń qazaqy úkimet boldy.
2. Úkimettiń keńeıtilgen májilisi kóp jaǵdaıda memlekettik tilde ótti.
3. Saǵyntaev úkimet múshelerine tapsyrmalardy taza qazaq tilinde berdi.
4. Úkimet basshysy retinde Baqytjan Ábdiruly óziniń janyna jas mınıstrlerdi jınady
5. Saǵyntaev senim artqan jas mınıstrler senimdi aqtady.
6. Eger Prezıdent qalasa, Dáýren Abaev, Jeńis Qasymbek, Darhan Qaletaev, Tımýr Súleımenov sıaqty burynǵy Saǵyntaev úkimetiniń músheleri kelesi jasaqtalatyn úkimet quramynda taǵy qalýy múmkin.
7. Ózi qyzmet etken jyldary qazaqy premer Baqytjan Saǵyntaevtyń sońynan qaýeset ergen joq. Ol Tasmaǵambetovten keıingi qazaqqa jany jaqyn úkimet basshysy retinde tarıhta qaldy. Ol «elimizdiń san myń jyldyq tarıhyndaǵy eń jaýapty kezeńde halqymyzdyń baǵyna bergen uly da jasampaz tulǵasy» Elbasyna alǵys aıtty da, qyzmetinen ketti.