Baqytjan Saǵyntaev – aýylda ósken, qazaq tiliniń qaımaǵy buzylmaǵan óńirdiń týmasy. Úsharal dep atalatyn bul aýyldan talantty aqyn apamyz Kúlásh Ahmetova shyqqan. Al aýyldy ol tusta Baqytjannyń ákesi, 25 jasynda Eńbek Eri atanǵan qarapaıym qazaq jigiti Ábdir Saǵyntaev basqarǵan.

Baqytjannyń anasy – kóp balaly ana. Meniń rıza bolatynym, sol ul-qyzdardyń bári qarapaıym.

"Bizdiń baýyrymyz Astanada, úlken laýzamdy qyzmette otyr" dep bireýiniń kókirek kergenin kórgenim joq. Bári sypaıy, bári qarapaıym, bári kúlip turady.

Osyndaı ortada ósken Baqytjan laýazymdy qyzmette júrse de qarapaıymdylyǵynan ajyramaı, ana tilin ardatqap, júrgen jerinde memlekettik tilde sóıleýge tyrysty.

Úkimet tizginin de jer máselesi ýshyǵyp turǵan kezde alyp, bárin sabyrmen sheshti.

Sondyqtan tekti áýlettiń tuǵyrly tulǵasyn aldaǵy ýaqytta da laıyqty qyzmetten kórip, halqyna adal qyzmet ete beredi dep senemiz.

Kósemáli Sáttibaıulynyń Facebook-tegi paraqshasynan

Usynǵan: Gúlim Jaqan