Budan bylaı banknotalar men monetalarda mátinder tek memlekettik tilde jazylady. Bul týraly Qazaqstan Prezıdentiniń Jarlyǵynda aıtyldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap. 

Ózgeris 2018 jyldyń 12 jeltoqsanynda engizilgen. "Ulttyq valúta - Qazaqstan teńgesi banknotalary men monetalary dızaınynyń tujyrymdamasyn bekitý týraly" № 804 Jarlyqqa saı banknota men monetalarda qoldanylatyn jazbanyń mátini endi memlekettik tilde ǵana jazylady. Al ınvestısıalyq jáne koleksıalyq monetalarda shet tilderdiń jazbalaryn qoldanýǵa bolady.

Qujattyń aldyńǵy nusqasynda bylaı jazylǵan edi:

"Banknotalar men monetalarda memlekettik jáne orys tilderindegi jazýlar paıdalanylady. Shet tilinde rásimdeletin basqa elderdiń tapsyrystary boıynsha daıyndalatyn koleksıalyq monetalardy qospaǵanda, koleksıalyq jáne ınvestısıalyq monetalarda jazýlardyń mátini memlekettik, sondaı-aq orys nemese shet tilderinde rásimdeledi".

Usynǵan: Maqpal Sembaı