2020 jyly Tokıoda ótetin Olımpıada oıyndaryna jaýapty japondyq mınıstr Esıtaka Sakýrada parlament komıtetiniń jıynyna 3 mınýt keshikkeni úshin jarıa túrde keshirim suraýǵa májbúr boldy, dep jazady Qamshy.kz aqparat agenttigi Bbc.com saıtynyń málimetin negizge alyp.

Ótken jyly Sakýrada óziniń kompúterdi qoldana almaıtynyn aıtqan bolatyn.

Japondyq mınıstr búdjetke baılanysty jınalysqa 3 mınýt keshikken. Jıynǵa qatysyp otyrǵan opozısıalyq depýtattar mınıstrdi "óziniń qyzmetine jaýapsyz qarady" dep aıyptap, jınalys barysynda oǵan 5 saǵat boıkot jarıalaǵan.

Aıta keteıik, 2020 jyly qazan aıynda ótetin Olımpıada oıyndaryna jaýapty tulǵa retinde saılanǵan Sakýrada 2018 jyldan beri kóp synǵa iligetin bolǵan.

Jergilikti BAQ-qa bergen suhbattarynyń birinde kompútermen atqarylatyn jumystyń bárin óziniń qaramaǵyndaǵy jumyskerlerge tapsyratynyn aıtqan. Keıinnen depýtattar onyń otstavkaǵa ketýin talap etipti, alaıda Sakýrada ornyna áli ketpedi.

Usynǵan: Nazerke Labıhan