QR Premer-mınıstriniń orynbasary bolyp Jeńis Qasymbek taǵaıyndaldy, dep habarlaıdy Qamshy.kz aqparat agenttigi QR Parlamenti Májilisiniń baspasóz qyzmetiniń deregin negizge alyp. 

Depýtattar  Jeńis Qasymbektiń kandıdatýrasyn biraýyzdan maquldady.

Ol buǵan deıin Qazaqstan Respýblıkasy Indýstrıa jáne ınfraqurylymdyq damý mınıstri bolyp qyzmet etken bolatyn.

Jeńis Qasymbek 1975 jyly 7 mamyrda dúnıege keldi.

QazBSQA (Almaty q.) «Sáýletshi-dızaıner» mamandyǵy boıynsha, sondaı-aq L.N. Gýmılev atyndaǵy EUÝ «Ekonomıs-menedjer» mamandyǵy boıynsha aıaqtady, ekonomıka ǵylymdarynyń kandıdaty

Ár jyldary QR Tabıǵı monopolıalardy retteý jáne básekelistikti qorǵaý jónindegi agenttiktiń temir jol kóligi jáne porttar bóliminiń basshysy, Úılestirý jáne tarıftik saıasat departamentiniń tarıftik saıasat bóliminiń basshysy, QR Kólik jáne komýnıkasıa mınıstrliginiń Sý kóligi departamentiniń dırektory, «Aqtaý halyqaralyq teńiz porty» RMK dırektory laýazymyn atqardy.

2005 jyldan bastap – Qazaqstan Respýblıkasy Kólik jáne komýnıkasıa vıse-mınıstri.

2009 jyldan bastap - Qazaqstan Respýblıkasy Kólik jáne komýnıkasıa mınıstrliginiń Jaýapty hatshysy.

2014 jylǵy naýryzdan bastap – Qazaqstan Respýblıkasy Kólik jáne komýnıkasıa mınıstri.

2014 jylǵy tamyzdan bastap – Qazaqstan Respýblıkasy Investısıalar jáne damý birinshi vıse-mınıstri.

2016 jylǵy maýsymnan bastap – Qazaqstan Respýblıkasy Investısıalar jáne damý mınıstri.

Nagradalar: «Qurmet» (2007 j.) jáne «Parasat» ordenderi (2017 j.), «Qazaqstan Respýblıkasynyń Táýelsizdigine 10 jyl» (2001 j.), «Astanaǵa 10 jyl» (2008 j.) jáne «Qazaqstan Konstıtýsıasyna 20 jyl» mereıtoılyq medalderi (2015 j.).