Ońdasyn Orazalın Aqtóbe oblysynyń ákimi bolyp taǵaıyndaldy. Asqar Mámın alǵashqy jumys saparyn Aqtóbe óńirinen bastap, oblys aktıvine jańa ákimdi ózi tanystyrdy, dep habarlaıdy Qamshy.kz aqparat agenttigi.
Ońdasyn Orazalın 1963 jyly týǵan. 1985 jyly Aqtóbe pedagogıkalyq ınstıtýtyn, 1991 jyly S.M.Kırov atyndaǵy Qazaq memlekettik ýnıversıtetin bitirgen.
1985-1986, 1987-1988 jyldary - Aqtóbe pedagogıkalyq ınstıtýtynyń oqytýshysy. 1988-1990 jyldary - Aqtóbe pedagogıkalyq ınstıtýtynyń komsomol komıtetiniń hatshysy. 1990-1993 jyldary - jarnamalyq aqparattyq-kommersıalyq agenttiktiń bólim bastyǵy.
1993-1999 jyldary - «Bank «Rıka» AAQ basqarma tóraǵasy. 1999-2000 jyldary - «Obltransgaz» JAQ, «Aqtóbegaz» JAQ basqarma tóraǵasy.
2000-2003 jyldary - Aqtóbe oblysynyń Muǵaljar aýdanynyń ákimi. 2003-2004 jyldary - Aqtóbe oblystyq syrtqy ekonomıkalyq baılanystar jáne ınvestısıalar basqarmasynyń bastyǵy. 2004-2005 jyldary - Aqtóbe oblysy ishki saıasat departamentiniń dırektory. 2005-2006 jyldary - Aqtóbe oblysy ákiminiń orynbasary.
2006-2007 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń memlekettik ınspektory. 2007-2008 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń meńgerýshisiniń orynbasary.
2008 jyldyń naýryz ben qazan aralyǵynda - Qazaqstan Respýblıkasy Prezıdenti Ákimshiliginiń memlekettik baqylaý jáne kadrlyq-uıymdastyrý jumysy bóliminiń meńgerýshisiniń orynbasary. 2008-2014 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń meńgerýshisiniń orynbasary.
2014-2017 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń meńgerýshisi.
Sońǵy taǵaıyndalýǵa sheıin 2017 jylǵy 22 naýryzynan bastap QR Prezıdentiniń Ákimshiligi basshysynyń orynbasary qyzmetin atqardy. «Qurmet» ordenimen (2008) jáne 3 medalmen marapattalǵan. Orys jáne aǵylshyn tilderin meńgergen.
