Satıra janrynda qalam terbeıtin Júnis Qoqyshulynyń sózdigin oqyrman nazaryna usynady Qamshy.kz aqparat agenttigi.

Paraqor – alsa saýyǵatyn, almasa aýyratyn dimkás.

Jaǵymsyz – saıtannyń sapyndaǵy pende.

Mansapqor – qýlyqty minip, sumdyqty jetelegen jolaýshy.

Aryzqoı – aqty qaramen shımaılaıtyn shatpaq.

Sánqoı – syrtqy beınesin ǵana árleıtin «sheber».

Baǵa – kún saıyn ósip, kúsheıip turatyn «tolaǵaı».

Ósekshi – «shyǵarmasyn» aýyzdan aýyzǵa tez taratyp alatyn «avtor».

Juldyz aýrýy – jas ánshilerge ǵana tıesili kesel.

Asaba – jattaǵanynan jańylmaıtyn kójek.

Maqtanshaq – úrlegen saıyn isine beretin shar.

Iinine tartqysh bastyq – naǵashy, jıen, aǵaıynyn, quda-jekjatyn, dos-jaranyn túk qaldyrmaıtúgendeıtin «shejireshi».

Sý jańa qazaq – birneshe shet tilinde sóıleı alatyn, ana tilin uǵynýǵa kónbeı qalatyn kerjaq.

Sanasyz turǵyn úı – qurylysshylarǵa unaıtyn, paıdalanýǵa berilgen soń az jylda qulaıtyn ǵımarat.