Almaty polıseıleri bosanyp jatqan áıelge kómektesti, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

27 jastaǵy áıel saý balany dúnıege alyp keldi.  Áıel adamnyń tolǵaǵy bastalǵan ýaqytta joldasy jedel járdemge qońyraý shalýdan góri, ózi perzenthanaǵa aparýdy jón kórgen. Alaıda, Ashybulaq aýylynan shyqqan kezde otbasylyq jup kepteliste turyp qalǵan. Baýyrjan Momyshuly men Aqyn Sara kósheleriniń qıylysynda er adam kezekshi polısıa qyzmetkerlerine baryp, jaǵdaıdy túsindirip, olardyń kóligimen perzenthanaǵa aparýdy suraǵan. 

"Patrúldik polısıa serjanttary Ǵalymjan Postanov pen Ámirjan Esenbaev qyzmettik kólikte jaryq jáne dybys sırenasyn qosyp, júrgizýshige olardyń sońynan erip júrýin tapsyrǵan. 5 mınýt ishinde júkti áıel № 3 perzenthana aýmaǵynda bolǵan. Áıel saý balany dúnıege alyp keldi. Biz olardyń densaýlyq jaǵdaıy týraly bildik: jas ana men bala ózderin jaqsy sezinedi", - dedi Almaty qalasy polısıa departamenti jergilikti polısıa qyzmeti basqarmasy jol-patrýldik polısıa polkiniń komandıri polısıa polkovnıgi Manap Sattarov.

Kelesi kúni jańa týǵan náresteniń ákesi patrúldik polıseılerdi izdestirip, olarǵa alǵys bildirgen.  "Ana men bala densaýlyǵy úshin jedel áreket jasaǵan polıseılerdiń arqasynda batyr myqty jáne saý bolyp dúnıege kelgen. Taıaýda jumystan bos ýaqytynda, serjanttar Postanov pen Esenbaev ana men sábıge barady", - dep qorytyndylady polkovnık Sattarov.

Usynǵan: Maqpal Sembaı