Astana qalasynda Nursultan Nazarbaev tóraǵalyǵymen "Nur Otan" partıasynyń XVIII sezi ótip jatyr. Sıez partıanyń 20 jyldyq mereıtoıyna oılastyrylǵan, dep habarlaıdy Qamshy.kz aqparat agenttigi.
Partıa delegattary Memleket basshysynyń 20 jylǵa berilip jatqan baǵasyn muqıat tyńdap otyr. Jalpy, búgingi sezdiń kún tártibinde myna tórt másele qaralady:
- Partıanyń 2030 jylǵa deıingi baǵdarlamasyn qabyldaý;
- Partıanyń quramyna ózgerister men tolyqtyrýlar engizý.
- saıası quramnyń jumysyna baǵa berip, ortalyq komısıanyń jumysymen tanysý. Saıası keńes pen ortalyq baqylaý komısıasynyń jańa quramyn bekitý.
- Sezd jumysy saǵat 14.00-de aıaqtalady.
Óz sózinde Elbasy eldiń áleýmettik jaǵdaıyna kóp kóńil bóldi. Halyqtyń ál-aýqatyna toqtala ketip, eldegi muqtaj jandarǵa kómek kórsetilýi tıis ekenin eskerdi. Ári jalaqy men kóp balaly obasylarǵa beriletin járdemaqy máselesi de qaıta qaraldy.
"Biz muǵalimderdiń jalaqasyn ósirdik, ózderiniń kásibıligin dáleldegenderge 50 paıyz, jalpy 30 paıyz ósirdik. 1 shildeden bastap búdjet salasyndaǵy jalaqysy eń az adamdardyń jalaqysyn 30 paıyzǵa ósirýdi tapsyramyn" deı kele kóp balaly otbasylardyń máselesine toqtaldy.
"Mıllıonerlerge memleketten taǵy kómek berýdiń qajeti ne? Kirisi az otbasylar arasynda 111 myń ǵana otbasy ataýly kómek alady eken. Kóp balaly otbasylardyń járdemaqysyn árbir balaǵa 21 myń teńgege jetkizýdi tapsyramyn", - dedi Elbasy sıez barysynda.
Usynǵan: Gúlim Jaqan
Pikir qaldyrý