Astana qalasynda Nursultan Nazarbaev tóraǵalyǵymen "Nur Otan" partıasynyń XVIII sezi ótip jatyr. Sıez partıanyń 20 jyldyq mereıtoıyna oılastyrylǵan, dep habarlaıdy Qamshy.kz aqparat agenttigi.
Partıa delegattary Memleket basshysynyń 20 jylǵa berilip jatqan baǵasyn muqıat tyńdap otyr. Jalpy, búgingi sezdiń kún tártibinde myna tórt másele qaralady:
- Partıanyń 2030 jylǵa deıingi baǵdarlamasyn qabyldaý;
- Partıanyń quramyna ózgerister men tolyqtyrýlar engizý.
- Saıası quramnyń jumysyna baǵa berip, ortalyq komısıanyń jumysymen tanysý. Saıası keńes pen ortalyq baqylaý komısıasynyń jańa quramyn bekitý.
- Sezd jumysy saǵat 14.00-de aıaqtalady.
Sıez barysynda Nazarbaev Úkimetke «Nurly jer» baǵdarlamasy aıasynda 40 myńnan astam jaldamaly páter salýdy tapsyrdy. Olardyń basym bóligi turmysy tómen kópbalaly otbasylarǵa berilýi tıis.
"Baspanamen qamtý máselesi de mańyzdy. Úkimetke "Nurly jer" arqyly 40 myńǵa jýyq páter salýdy tapsyramyn. Ol arenda júıesindegi páterler bolady jáne áleýmettik az qamtylǵandarǵa arnalady. Bul úshin 7 jyl boıy jyl saıyn 50 mlrd teńge bólinedi. Kóp balaly men tolyq emes otbasylarǵa, múgedek balasy bar adamdar úshin turǵyn úı nesıesin TQJB arqyly 2-3 paıyzben berýdi tapsyramyn. Ol úshin TQJBǵa qosymsha qarjy kerek", - dedi Elbasy otyrys barysynda.
Usynǵan: Gúlim Jaqan
Pikir qaldyrý