Búgingi «Nur Otan» partıasynyń 20-jyldyq mereıtoıy qarsańynda ótken keńeste Elbasy halyqtyń kókeıinde júrgen ózekti máselelerdi kóterip otyr. Onyń ishinde áleýmettik salany jetildirý úshin memlekettik búdjettiń 40%-in bólý, bul tarıhta bolmaǵan jaǵdaı.

Sonymen qatar, kópbalaly analarǵa qoldaý kórsetý – ult bolashaǵyna jasalǵan batyl sheshim. Ana men balaǵa qoldaý kórsetilse, kóńil bólinse tárbıeli, bilimdi urpaq ósedi.

Jáne kóptegen máseleniń sheshimi búdjet salasyndaǵy qyzmetkerlerdiń aılyǵyn 30%-ke kóterýden kórinis tappaq. Óıtkeni búdjet salasynyń qyzmetkerleri qarjy tapshylyǵyn kórmese, jalpy qoǵamdaǵy sybaılas jemqorlyqtyń azaıýyna áseri bolady dep senemin. Sebebi, bilim berý, densaýlyq saqtaý, quqyq qorǵaý sekildi búdjettik salalalar qoǵamnyń damýyna yqpal etetin erekshe salalar.

Osyndaı naqty sheshimderdi halyq kútip otyr. Sondyqtan, «Nur Otan» partıasynyń 20 jyldyǵynda jasalǵan mundaı oń sheshimderge men qýanyshtymyn. Endigide osy tapsyrmalardyń durys oryndalýyna barlyǵymyz birdeı atsalysýymyz qajet.

Smaǵul Elýbaı