Nursultan Nazarbaev bilim salasyndaǵy aqylǵa qonymsyz kemshilikteri týraly pikir bildirdi dep habarlaıdy Qamshy.kz aqparat agenttigi. Elbasy úsh tildilikti júrgizý barysynda durys baǵytta kele jatqanyn, alaıda aqylǵa qonymsyz dúnıelerdiń bar ekenin tilge tıek etti. 

"Bilim salasyndaǵy reformalardy da logıkalyq nátıjelerge deıin jetkizý kerek. Qazirgi zaman balalarymyzdan jańa daǵdylardy damytýdy talap etedi. Úshtildilik qalypty jaǵdaıǵa aınalýy tıis ekenin aıtqan edim. Bizdiń balalarymyz – jahan balalary. Olar búkil álemdik keńistikte, úzdik joǵary oqý oryndarynda bilim alady, biz barmaǵan jerlerge barady. Sondyqtan qazaq jáne orys tilimen qatar aǵylshyn tilin de meńgerýi kerek. Bul mańyzdy. Fızıka, matematıka, hımıadan sabaq beretin muǵalimderge aǵylshyn tilin úırenýge qansha ýaqyt ketedi? Al bizdiń mınıstrlik muǵalimderge erteńnen bastap aǵylshynsha oqytýdy tapsyrdy. Jaraıdy, olardy úsh aıǵa shaqyrady, oqytady, biraq úsh aıdyń ishinde kim matematıkany aǵylshynǵa berip kete alady? Al buǵan qyrýar qarajat bólinip otyr. Múmkin, shetelden muǵalimder shaqyryp, sabaq bergen durys bolar ma edi?! Sondyqtan bul mindet qalady. Bilim mınıstrligi durys baǵytta kele jatyr, biraq bári aqylǵa qonymdy bolýy tıis", dedi memleket basshysy. 

Usynǵan: Ásel Bolatqyzy