Almaty oblysy, Raıymbek aýdany Narynqol aýylynyń turǵyny Oryngúl Baratjan  otandyq ónimdi kóbeıtip, erler men áıelderdiń jyldyń kez-kelgen merziminde kıetin aıaq kıimderin tigýde. Kerek shıkizattardy Taldyqorǵan, Almaty qalalarynan  aldyrady.

«Turmys quryp enshimizdi bólgennen keıin, biz qatty qınaldyq. Aýylda qoǵamdyq jumysta istep júrip óz kásibimdi ashsam dep armandaıtynmyn. Osy arman meni alǵa jetelep, kásipkerler palatasy arqyly oqyp, óz kásibimdi bastadym. Basynda «áıel adam aıaq kıim tigýshima edi» -, dep barlyǵy maǵan kúle qaraıtyn, alaıda men eshqashan moıyǵan emespin» -,  deıdi Oryngúl. 
Qazirgi tańda «Aqıqat» aıaq-kıim shyǵarý sehynda joldasy ekeýi qana, osy ýaqytqa deıin 8 adamǵa aıaq kıim tigý tehnıkasyn úıretken. Aldaǵy ýaqytta kásibin úlkeıtip, shıkizattyń barlyǵyn ózim óndirsem jáne sehyn úlkeıtip, 30 adamdy jumyspen qamtysam degen nıeti bar. 

Kúnine onnan kóp tapsyrys kelip túsedi. 7 jylda  7000 aıaq kıim tikken. Baǵalary qol jetimdi. Kásipkerdiń sózinshe, ol óz isinde taýar sapasyna kóp kóńil bóledi. 

— Bizden satyp alynǵan aıaq kıim 5 jylǵa deıin kıis beredi. Sonymen qatar, 1 jylǵa deıin kepildeme beremiz.  Tutynýshylardan búginge deıin shaǵym ne eskertý estigen joqpyz. Degenmen, zamanaýı standartqa saı jumys jasaý úshin bizge jańa qurylǵylar qajet, — dep kásipker óz oıymen bólisti.

Búginde 4 balanyń anasy, 3 toptaǵy múgedek Oryngúl  2012 jyly aıaq kıim shyǵarý isin zerdeleı bastaǵan. Kásibı sheber óziniń otandyq óniminiń shyǵarylymyn kóbeıtip,  aldaǵy ýaqytta  aýdan ǵana emes jalpy oblys kóleminde ulǵaıtýǵa nıetti.