Almaty oblysynyń 200-den astam fermeri  «İİİ aýylsharýashylyq jármeńkesine» qatysty. «Aýyldyq aımaqtardy damytý» baǵdarlamasy aıasynda uıymdastyrylǵan is-sharada fermerler tyńaıtqyshtardy, ósimdikterdi qorǵaý quraldaryn, otandyq jáne sheteldik óndiris tuqymdaryn jáne aýyl sharýashylyǵy materıaldaryn arzandatylǵan baǵamen alýǵa múmkindik aldy, bul olarǵa óz shyǵyndaryn edáýir qysqartýǵa múmkindik beredi. Jármeńkege Almaty oblysynyń Aýyl sharýashylyǵy basqarmasy, Almaty oblysynyń «Atameken» QR Ulttyq Kásipkerler Palatasy (UKP), Eńbekshiqazaq aýdanynyń jáne Shelek aýyldyq okrýginiń ákimdikteri resmı túrde qoldaý kórsetti.

«Óziniń qazan aıyndaǵy Qazaqstan halqyna Joldaýynda Elbasy agroónerkásiptik keshenniń áleýetin tolyǵymen iske asyrý qajet ekendigin atap kórsetken. Nursultan Nazarbaevtyń tapsyrmasyna sáıkes, barlyq memlekettik qoldaý sharalaryn elge zamanaýı agrotehnologıalardy aýqymdy tartýǵa baǵyttaý qajet. Búgingi kúnde osy tehnologıalar bizdiń oblysqa da jetip otyr, egin alqaptary sıfrlyq nysanǵa kóshirilýde, járdem qarajat berý úderisi avtomattandyrylyp, aýyl kásipkerleri sharýashylyqty júrgizýdiń jańa daǵdylaryna oqytylýda. Búgingi Jármeńke bizdiń aımaqtyń aýylsharýashylyq óndirýshileri arasynda tájirıbe jáne ozyq praktıkamen almasýdyń taǵy bir múmkindigi bolmaq», - dep atap ótti Almaty oblysynyń aýyl sharýashylyǵy Basqarmasy basshysynyń orynbasary Koıýmchan Omarov.

Fermerler aýyl sharýashylyǵyn sandyq júıege kóshirý jáne sýbsıdıalaý boıynsha bıznes-úderisterdi avtomattandyrý týraly bildi. 2018 jyldan bastap ótinim berý jáne sýbsıdıa alý prosesi tolyǵymen avtomattandyrylǵan, bul sybaılas jemqorlyq táýekelderin tómendetedi, prosesti ashyq etedi jáne qaraý men sheshim qabyldaý ýaqytyn únemdeıdi. Eger buryn ótinim berýden bastap sýbsıdıa berý týraly sheshimge deıingi proses bir aıǵa sozylsa, endi ol úsh kúnge deıin qysqardy.

Almaty oblysy ákimdigi men «Atameken» UKP ókilderi fermerlerge sýbsıdıalardy qalaı alý kerektigin jáne olarǵa memlekettiń qoldaýy qandaı paıda ákeletinin túsindirdi. Atap aıtqanda, aǵymdaǵy jyldyń 1 qańtarynan bastap satyp alý normalary boıynsha tańdaýly tuqymdar men 1 reprodýksıa tuqymdaryn sýbsıdıalaýdy eskeretin tuqym ósirý sharýashylyǵynda járdem qarajat berýdiń jańa tásimi engizilgen. Bul rette tuqymdar aýylsharýashylyq ónimderin óndirýshige bastapqy jarnasyz tólemniń kúzge deıin qaldyrylýymen beriledi, al olardyń shyǵystary oblys ákimdigimen 100%-ǵa óteledi. Kúzde, egin jınalǵannan keıin, aýylsharýashylyq ónimderin óndirýshi Mamandandyrylǵan uıymǵa norma boıynsha tańdaýly tuqymdar nemese 1 reprodýksıa tuqymdar qunynyń 30%-yn qaıtarady.

 «Bıyl Jármeńkege ótken jylǵa qaraǵanda eki ese kóp fermer qatysýda, bul ózin aldaǵy kóktemgi egis maýsymyn josparlaý ótetin alań retinde áldeqashan tanytqan is-sharanyń ósip kele jatqan tanymaldylyǵyn kórsetedi. Jármeńkeniń arqasynda, fermerlerdiń ónimderdi jetkizýshilerden tikeleı alý múmkindigi paıda boldy, bul olardyń shyǵyndaryn aıtarlyqtaı azaıtady. Sonymen qatar, qazir olardyń jyl boıy Shelek aýylyndaǵy Agrobıznes ortalyǵy bazasynda ashylǵan «Agrodúkende» satyp alý múmkindigi bar, onda fermerler aýyl sharýashylyǵyn júrgizý úshin barlyq qajetti taýarlardy eń tómen baǵamen satyp ala alady. Ol bizdiń baǵdarlama sheńberinde bıznestiń qoldaýy arqasynda ashyldy. Jáne biz bizdiń qor birlese aýyldaǵy ómirdi jaqsartýǵa járdemdesetin jáne aımaq fermerlerine ósý jáne damý úshin jańa múmkindikterdi usynatyn osy jobany iske asyratyn «Fılıp Morrıs Qazaqstan» kompanıasyna óte rızamyz», - atap ótti Baqytgúl Elshibaeva, Eńbekshiqazaq aýdandyq jergilikti qaýymdastyqtar qorynyń dırektory.