Burynǵy İshki ister mınıstri Qalmuhanbet Qasymov óziniń jańa qyzmeti týraly pikir bildirdi dep habarlaıdy Qamshy.kz aqparat agenttigi tengrinews.kz saıtynyń deregin negizge alyp. 

Qasymov mundaı laýazymdy qyzmetke taǵaıyndalamyn dep oılamaǵan kórinedi. 

"Biz pagon taqqan qyzmetkerlermiz. Qandaı buıryq shyqsa sony múltiksiz oryndaımyz. Árıne, ómir baqı bir orynda otyra almaımyz. Jaqynda jańa qyzmette jumys isteıtin bolamyn. Bul óte kúrdeli ári úlken jaýapkershilikti qajet etetin jumys. Kóptegen baǵyttar bar: qorǵanys ónerkásibi, qorǵanys qaýipsizdigi jáne qoǵamdyq qaýipsizdik, tipti qorshaǵan orta. Barlyq osy aspektiler baqylanady. Kún saıyn biz qujattardy Elbasyǵa kórsetip, esep berip otyramyz", deıdi Qasymov. 

Sondaı-aq ol qazirgi İİM tóraǵasy Erlan Turǵymbaev týraly da pikir bildirdi. 

"Ol 6 jyl meniń orynbasarym bolǵan bilikti maman. Óz qyzmetin múltiksiz atqarady", dep qysqa qaıyrdy Qalmuhanbet Qasymov.

Eske sala ketsek, 12 aqpanda Qalmuhanbet Qasymov prezıdent keńesshisi jáne Qaýipsizdik keńesiniń hatshysy bolyp taǵaıyndalǵan.  

Aýdarǵan: Ásel Bolatqyzy