Óz esimin qupıa qaldyrýdy uıǵarǵan taldyqorǵandyq mesenat 10 balaly otbasyǵa úı syılady. Kópbalaly januıa osy ýaqytqa deıin saıajaıdy pana etip kelgen.  

Kópbalaly otbasy «Qyzyl tas» saıajaıynda bir bólmeli eski ári tar úıde turyp jatqan. Áleýmettik jaǵdaıy tómen otbasy Almaty oblystyq tótenshe jaǵdaılar departamenti uıymdastyrǵan arnaıy reıd barysynda anyqtalyp otyr. Qutqarýshylar, tártip saqshylary, eriktiler men qoǵamdyq birlestik ókilderi qaladaǵy jeke turǵyn úı sektoryn aralap, órt qaýipsizdigin saqtaý týraly paraqshalar taratyp, dabyl qondyrǵylaryn ornatty. Sharaǵa qala basshysy Dastan Shaltabaev pen bıznes qaýymdastyq ókilderi de óz úlesin qosty. 10 bala asyrap otyrǵan Kropachevtar otbasyna kásipker Ótenaı aýylynda salynǵan jańa bes bólmeli úı usyndy. Qaıǵyly oqıǵalardyń aldyn alýǵa baǵyttalǵan reıdke 170 adam qatysyp, 4 myńnan astam paraqsha taratyldy.  

Jalpy, Almaty oblysynda jyl basynan beri 170 órt oqıǵasy tirkeldi. 47 jaǵdaıda adamdar peshten shyqqan ystan ýlanǵan. 8 adam ıis tıip qaıtys boldy.