Saıasattanýshy elimizdiń áleýmettik jáne ekonomıkalyq saıasatyn modernızasıalaý kerek dep esepteıdi.  Qazaqstandyq saıasattanýshy Danıar Áshimbaev keshe Astanada ótken "Nur Otan" partıasynyń sezine qatysty pikir bildirdi dep jazady Qamshy.kz aqparat agenttigi sputniknews.kz saıtynyń deregin negizge alyp. 

Saıasattanýshynyń aıtýynsha, sıeziń negizgi kún tártibi partıanyń saıası keńesiniń baǵdarlamasy, keńestiń jarǵysy jáne quramynyń jańarýyna qatysty boldy. Al kópshilik sıez kezinde basqarýshy partıanyń ishinde jańa elektoraldyq kezeń bastalady dep kútti, deıdi Áshimbaev. 

"Úkimettiń otstavkasy da, Ulttyq bank basshysynyń aýysýy osyǵan yńǵaılastyryldy. Ádettegiden aýqymdyraq baǵdarlama bolady dep kútildi. Sonymen, saılaý máselesi belgili bir ýaqytqa shegerildi. Prezıdent meılinshe laıyqty kandıdatýrany tańdap qoıǵan sekildi. Biraq belgili bir ýaqytqa tranzıt máselesin jaýyp qoıdy", - dedi Danıar Áshimbaev.

Sarapshynyń paıymdaýynsha, Nursultan Nazarbaevtyń sıeze jarıa etken áleýmettik bastamalary sońǵy ýaqyttaǵy qoǵamdaǵy áleýmettik shıeleniske jaýap bolyp otyr.

Degenmen, tek áleýmettik tólemderdiń mólsherin arttyrý jetkiliksiz. Elimizdiń áleýmettik saıasatyn jáne ekonomıkalyq saıasatty modernızasıalaý máselesi ózekti. Saıasattanýshynyń aıtýynsha, úkimet ázirge muny jasaǵan joq, al osyndaı strategıany ázirleýdi ýaqyt talap etip otyr.

Usynǵan: Ásel Bolatqyzy