Búgin QR bilim jáne ǵylym mınstri Aslan Sárinjipov óziniń Facebook-taǵy resmı paraqshasyna: "Aýldaǵy atamyz 100 jylǵa toldy. Ustaz, mekteptin dırektory bolǵan" degen jazba jarıalady. Qazaq eliniń bas muǵalimi Asylan myrzanyń bul jazǵanyn birinshi synyptyń balasy bolmasa, bylaıǵy jurt túsinbeı álek. Aslan myrza aınaldyrǵan bir sóılemde 3 qate jibergen.
Dál osy jazba jaıly Serik Abbas-shah Facebook paraqshasyna bylaı dep jazba jazdy:
"Aslan Sarınjıpovtiń jazbasynan: "Aýldaǵy atamyz 100 jylǵa toldy. Ustaz, mekteptin dırektory bolǵan". Aýyl shopyry túzetkensymaq bolady: a) "Aýl" emes, "aýyl"
b) "100 jylǵa" emes, "100 jasqa" tolǵan shyǵar? v) "MekteptiN" emes, "mekteptiŃ" shyǵar?
Aýyl shopyrynyń pálsafalyq suraǵy:
Bilim mınıstriniń memlekettik tildegi jazba sıqy osy bolsa, basqa muǵalimderge ne ókpe?
Aýyl shopyrynyń palsafalyq jaýaby:
Jemqor sheneýnikter jemqorlyqpen kúresip, quqyq qorǵaý qyzmetkerleri qylmys jasap jasap jatqanda, "dvoechnık" nege mınıstr bola almaıdy?
Eskertý: Aslandy buryn resmı tildi bolǵan, áli úırene almaı jatyr dep aqtaýǵa bolatyn shyǵar? Biraq, onyń BİLİM jáne ǵylym mınıstri ekenin umytpaıyq. Ol eń aldymen memlekettik tilde saýatty bolý kerek. Eger Zańnan habarsyz adam ıýstısıa mınıstri bolyp taǵaıyndalsa, qudaı qalasa, birte birte úırenip alar dep jýyp-shaıa salmaıtyn shyǵarmyz?"
Sultan Taıǵarın, Facebook qoldanýshysy:
"Qurmetti mınıstr myrza, siz qate jazsańyz basqalarǵa ne joryq?! Atańyz bul jazbańyzdy oqysa, sizge 5 degen baǵa qoıady dep oılamaımyn."
