Sheteldegi orys tildi qazaq jýrnalısi Bekjan Ydyrysov amerıkalyq shoýdaǵy Dımashtyń eki jasóspirimge jol berýin qatań synǵa aldy dep jazady Qamshy.kz aqparat agenttigi. Ol bul týraly óziniń feısbýk paraqshasynda jazdy.
"Dımashtyń isi – qazaqbaıshylyqtyń eń soraqy túri. Tektilik qaıda? Amerıkalyqtar – ár istiń sońyna deıin baryp, bar kúshin sarp etetin adamdardy baǵalaıdy . Nege ekenin bilesiz be? Óıtkeni olar eńbekti baǵalaı biledi. Oılanyp qarańyzshy, qanshama adamdar bul jarysqa bar kúshin, ýaqytyn arnady. Olar fınaldan naǵyz eki myqty degen talantty kórgisi keldi. Prodúserler, rejıserler, kostúmer, grımer, operator, mýzykanttar júzdegen adamdar osy úshin ter tókti. Al, sol eńbektiń qaıtarymyn ózderińiz de kórdińizder. Bul - jaı ǵana shoý!
Osy shoýdyń arqasynda búkil kórermen Dımashtyń istegen qazaqpaıshylyǵyn kórdi! Bul degenimiz sol eńbek etkenderdiń betine túkirgenmen birdeı ǵoı. Halyq eń myqtyny kórgisi keldi. Birde - bir amerıkalyq Dımashtyń aqtyq márege kelgende dál osylaı jobadan shyǵyp kete salatynyn kútken joq. Sen úshin qansha sarapshylar sol jerde bar ýaqytyn arnady, sen úshin, Dımash! Sen de soǵan laıyqty túrde jaýap qaıtarýyń kerek edi. Sen ózińniń bekzattylyǵyńdy, márttigińdi ǵana kórsetkiń keldi. Mine, bul naǵyz qazaqpaıshylyqtyń belgisi. Bul jaı ǵana aqymaqtyq.
Al endi munyń saldary týraly oılanaıyq. Amerıka halqy Dımashtyń nelikten mundaı sheshimge kelgendigin túsinbeı dal boldy. Negizinde olar sońǵy sheshýshi sátke kelgende barlyǵynan bas tarta salatyn adamdardy múldem túsinbeıdi. Menińshe, AQSH-tyń eshbir prodúseri osy jaǵdaıdan keıin Dımashpen jumys istegisi kelmeıdi. Dál qazirgi ýaqytta Dımash kásibı damý jaǵynan utyldy. Qazir Dımashta ne bar, oılap qarańyzshy. Erekshe daýys pen talant qana bar. Boldy. Óziniń biregeı repertýary bar ma? Joq. Biregeı konserttik baǵdarlamasy bar ma? Joq. AQSH-taǵy osy shoýdan keıin osynyń bári Dımashta bolar edi. Biraq... Qalaı desek te amerıkalyqtar shoý-bıznestiń shyn sheberleri emes pe?!
Dımash bul joba arqyly jańa beleske kóterile alatyn edi. Qytaı prodúserleri Dımashtan úlken úmit kútkendikten, ony Los-Andjeleske barýǵa usynys jasady. Endi olardyń bar úmitin kádimgi qazaqpaıshylyq joq qyldy. Dımash tek álem aldynda bir maqtanyp qaldy. Al shyndyǵyna kelsek, meniń oıymsha, Dımashqa mundaı qazaqpaıshylyq bir nárse ǵana beredi: partıaǵa múshe bolý, Nazarbaevpen qol ustasyp sýretke túsý, óziniń zańdy jeńisinen bas tartý... Ne úshin? Kim úshin?!
Dımash, aınalaıyn! Seniń jolyń – adamdardy óz talantyńmen qýantý, daýysyńmen, ánińmen qýantý! Ol úshin eńbektenip qana qoımaı, naqty maqsat qoıyp, soǵan jetýge umtylý kerek, basqa adamdardyń eńbegin baǵalaýdy úırený kerek! Nur Otan men Astana muny úıretpeıdi. Janyńdaǵy qazaqpaıshyl keńesshilerińdi tyńdama! Dál sondaı keńesshilerdiń kesirinen qazaqtar áli kúnge deıin órkenıetten alysta júr. Men Nú-Iorkte ózimniń árbir jolaýshyma seniń ánderińdi tyńdatatynmyn. Biraq seniń áreketińnen keıin ánderińdi tyńdaǵym da kelmeı qaldy. Ókpem qara qazandaı. Aqylmen sheshim qabyldaǵanyń jón!", – dep jazdy Bekjan Ydyrysov
Eske sala ketsek, qazaqstandyq ánshi Dımash Qudaıbergen amerıkalyq The World's Best baıqaýynan óz erkimen shyqqan edi. Jartylaı fınalda "Adagio" ánin shyrqaǵan Dımash fınalda ózinen jasy kishi eki ánshige – qazaqstandyq Danelıa Týleshova men úndistandyq Lıdıana Nadhasvaramaǵa jol bergisi keletindigin málimdegen. Atalmysh baıqaýda úndistandyq pıonıst Lıdıana Nadhasvaram jeńimpaz atandy.
Bekjan Ydyrysovtyń Facebook paraqshasynan
Usynǵan: Farıza Jomartqyzy
