16 naýryzda Kraıschórchde aımaqtyq sotta terakt uıymdastyrdy dep aıyptalǵan úsh kúdiktiniń isi boıynsha alaǵashqy tyńdaý ótti. Qylmystyq is boıynsha alǵashqy sot isi bar-joǵy bir mınýt kóleminde támamdalǵan. Sot zalynda 49 adamnyń ómirin jalmaǵan Brenton Tarrant bolǵan iske esh ókinbeıtinin aıtty dep habarlaıdy Qamshy.kz aqparat agenttigi agenttigi. 

49 adamnyń ómirin qıǵan Jańa-Zelandıanyń Kraıschórch qalasyndaǵy meshitte bolǵan lańkestik áreketti  28 jastaǵy avstralıalyq - Brenton Tarranttyń uıymdastyrǵany belgili boldy. Soǵan sáıkes  senbi 16 naýryzda Kraıschórchtiń aımaqtyq sotynda alaǵashqy tyńdaý ótti. "Deutsche Welle" basylymynyń aqparyna sáıkes eki qarýlanǵan kúzet qyzmeti Tarantany sot zalyna qolyna kisen salyp kirgizgen.

"The New Zealand Herald" basylymynyń aqpary boıynsha Tarrant «bolǵan iske esh ókinbeıtinin bildirip, fotoǵa túsirý barysynda ultshyldyq naqyshtaǵy áreketter jasaǵan». Osydan keıin aıyptyny tyńdaý zalynan onyń qorǵaýshysyna qulaq túrmesten zaldan shyǵaryp jibergen.

Qylmystyq is boıynsha alǵashqy sot isi bar-joǵy bir mınýt kóleminde támamdalǵan. Kelesi tyńdaý 5 sáýirge josparlandy.

Lańkestik áreketten 49 beıbit turǵyn baqılyq boldy

Lańkestik áreketti jasamaı turyp Tarrant óziniń áleýmettik jelidegi paraqshasynda 74 betten turatyn manıfes jarıalaǵan, onda ózin aq násildi adamdardyń artyqshylyǵy ıdeıasyn jaqtaıtyn jannyń biri ekenin alǵa tartyp, Eýropada musylmandarǵa qarsy lańkestik áreketke baratynyn da jaıyp salǵan eken.

Musylmandardyń jumadaǵy qulshylyǵynda bolǵan lańkestik árekettiń tergeý isine jaýapty polısıa komısary Maık Býsh qazirgi ýaqytta taǵy bir lańkestik áreket oryn alady degen kúdik joq ekenin, degenmen turǵyndardy saq bolýǵa shaqyrdy. Jýrnalıserdiń eki lańkestik áreketti de bir adam jasady ma degen suraǵyna jaýap qaıyrǵan Býsh istiń aq-qarasyn ashyp bere almaıtynyn atap ótti. Meshittegi atystan keıin ustalǵan taǵy eki kúdiktiniń lańkestik áreketke qatysy bar-joǵy anyqtalýda.

«Tarrantanyń qarý-jaraq qoldanýǵa zańdy quqyǵy bolǵan»

Óz kezeginde Jańa Zelandıanyń premer-mınıstri Djasında Ardern Tarranttyń qarý-jaraq ustaýǵa quqyǵynyń bar bolǵanyn jáne zańdy túrde bes qarý-jaraqqa ıelik etkenin atap ótti. Premer-mınıstr atalǵan lańkestik áreketten keıin Jańa Zelandıada qarý-jaraqty qoldanýdy shekteıtin zań engiziletinine ýáde etti.

Sońǵy málimetterge súıensek, Jańa Zelandıa polısıasynyń basshysy habarlaǵandaı, terakt bolǵan jerde taǵy bir qaza tapqan kisiniń denesi tabyldy. Sonymen, barlyǵy 50 adam lańkestiktiń qurbany bolǵan. Al zardap shekkender sany – 50, olardyń 36-sy aýrýhanada jatyr: 11 zardap shegýshi aýyr halde.

Usynǵan: Farıza Jomartqyzy