Otyz jyl elge pana bolǵan tulǵa
Ketti de abyroıy zor qalpynda
Bosaǵamdy bekitken Nur aǵam dep
Kóńili bosaǵan el qaldy artynda

Jetele dep bıikke halqyńdy ári
Qımaıdy ony qalyń el artyndaǵy
Qulash jaıǵan qazaqtyń báıteregin
Óz qolymen ósirgen nartulǵany

Bundaı muńdy bop edi naýryzym qaı?
Kóńili erip kóktemniń qar-muzyndaı
Erkeligi eldiń de sap tıyldy
Ákesinen kóz jazǵan jalǵyz uldaı. 

♦"Ketkenmenen prezıdenttik orynnan, júregimnen ketpeıtuǵyn nurymsyz"

Júrektegi ımanyn rastap berip,
Imamdarmen júzdesti maqsat kórip.
Elbasy óz qyzmetin aıaqtady
Alla úıin salýdy bastap berip.

Elbasy isin jasap úzdik erdiń,
Dáleldedi jolymen izgilerdiń
Bir Alladan basqaǵa qul bolmaıtyn
Musylman el ekenin bizdiń eldiń.

Kóshin súırep qazaqtyń jol bastaǵan
Artyq týǵan jan edi ol basqadan
Óz qazaǵyn aıalap qanshama jyl
Qanattyǵa qaqtyrmaı qorǵashtaǵan.

Jetkizgen qazaq qolyn dara baqqa,
Osylaı tutas dáýir qalady artta
Aıaǵyna turǵyzǵan memleketti
Eriń ketse, qazaǵym, shara joq pa?
El bolaıyq qıanat jasap almaı
Elbasymyz qaldyrǵan amanatqa.

Syrym Áýezhan

Usynǵan: Ásel Bolatqyzy