Áleýmettik jelide jantúrshigerlik jol apatynyń vıdeosy taraldy. Astanadaǵy Qabanbaı batyr kóshesinde úsh qoǵamdyq kólik soqtyǵysyp, birneshe adam qaza tapty, dep habarlaıdy Qamshy.kz aqparat agenttigi.

Belgili bolǵandaı, iri jol apatynda bir jolaýshy men qoǵamdyq kólik júrgizýshisiniń bireýi kóz jumǵan.

«Astana LRT» málimetinshe, 26 naýryz kúni Uly Dala men Qabanbaı batyr kósheleriniń qıylysynda úsh qoǵamdyq kólik pen jeńil avtokólik soǵysqan iri jol apaty bolǵan. Qalanyń syrtyna qatynaıtyn №303 avtobýs №12 avtobýspen soǵysqan. Keıinnen №53 avtobýs pen jedel járdemdi soǵyp ótken. Jol apatynyń mán-jaıy anyqtalýda.

«Derekterge sáıkes, qoǵamdyq kólik júrgizýshisi men bir jolaýshy qaza tapty. Oqıǵa ornynda polısıa qyzmetkerleri men dárigerler japa shekkenderge kómek kórsetýde», - dep málimdedi Polısıa departamenti.

Usynǵan: Nazerke Labıhan