Mınıstrlerimizdiń kóńil-kúıine tikeleı áser etetin ómirlik jarlary kim degen saýalǵa 365info.kz saıty jaýap berdi.

Premer-mınıstrdiń áıeli – Dıláram Azatqyzy Másimova (turmysqa shyqpaı turǵanda Mashýrova) Dıláram Másimova – Almaty oblysy Uıǵyr aýdanyn uzaq jyldar basqaryp kelgen tanymal memlekettik qaıratker Azat Mashýrovtyń qyzy. Premer-mınıstr Kárim Másimovpen ortaq 3 balalary bar. Resmı emes málimetterden qyzy Tamıla Sıngapýrda bilim alyp, anasymen birge turyp jatqany belgili. İshki ister mınıstriniń áıeli – Dına Ábikenqyzy Qasymova. Dına Qasymova – elimizdiń İshki ister mınıstri Qalmuhanbet Qasymovtyń áıeli. Hanym qurylys materıaldaryn óndiretin “Mestorojdenıe “Kyzylsok” JSHS-in ıelik etedi degen sybys bar. Qazaqstannyń JQQMI kólik nómirleri bazasynda Qasymovanyń atyna 1989 jylǵy Mazda 626 kóligi tirkelgen. Syrtqy ister mınıstriniń áıeli – Ydyrysova Nurıla Anarbekqyzy Syrtqy ister mınıstri Erlan Ydyrysovtyń áıeli Ydyrysova Nurılá Anarbekqyzy da qarapaıym kóliktiń ıesi. Onyń atyna 1995 jylǵy Ford Taurus tirkelgen. Budan ózge Nurılányń logoped ekeni belgili. Logoped – sóıleýde kemistigi bar balalardy túzetýge kómektesetin maman. Kásipkerlik áleminde hanym baıqalǵan emes. Mádenıet jáne sport mınıstriniń áıeli –Ysqaqova Ǵalıa Nyǵmetqyzy Mádenıet jáne sport mınıstri Arystanbek Muhamedıulynyń áıeli Ysqaqova Ǵalıa Nyǵmetqyzy – ónertanýshy mamandyǵynyń ıesi. Hanym 2010 jyly “Nurǵısa Tilendıevtiń án shyǵarmashylyǵyndaǵy ulttyq bastaýlar” taqyrybynda kandıdattyq dısertasıa qorǵap shyqqan. 20-dan astam ǵylymı eńbektiń avtory. Qorǵanys mınıstriniń áıeli – Bekqulova Klara. Qorǵanys mınstri Imanǵalı Tasmaǵambetovtyń áıeli Klara Bekqulova – jary sekildi oqytýshy. Hanymnyń ıeliginde 2000 jylǵy MERCEDES BENZ G 500 kóligi bar. Juptyń úlken qyzy Ásel qazaqstandyq olıgarh Keńes Raqyshevqa turmysqa shyqty. Ásel Telli bıo-býtıgine qojalyq etip, qaıyrymdylyqpen aınalysady. Ádilet mınıstriniń áıeli – Adaıbekova Leıla Muhambetqyzy Ádilet mınıstri Berik Imashevtiń áıeli Leıla Muhambetqyzy túrli jaýapkershiligi shekteýli seriktestikterdi (saýda, elektr qýatyn óndirý t.t.) ıelik etedi. “Medeu Resort” qonaqúıiniń qojaıyny. Qaıyrymdylyqpen aınalysyp otyrady. Jup prezıdent otbasynyń qudalary sanalady. Qyzdary Aıda Imasheva Nursultan Nazarbaevtyń úlken nemeresi Nuráli Álıevke turmysqa shyqty. Ulttyq ekonomıka mınıstriniń áıeli – Gúlnár Dosaeva Ulttyq ekonomıka mınıstri Erbolat Dosaevtyń áıeli Gúlnar Dosaeva – kúıeýiniń $110 000 000-ǵa teń dúnıesine (Forbes, 2014) qojalyq etedi. Budan ózge hanym – “G and G Glamýr” (iri lúks sanatyndaǵy fashion-rıteıler Qazaqstanda MaxMara, Dolce&Gabbana, Fendi, Gucci, Celine, Marina Rinaldi, Sergio Rossi, Mathew Williamson, Temperley, Jitrois, Rreen, Markus Lurfer, Jenny rackham, Andrew GN, Mchael Kors, Marchesa, Emporio Armani jáne ózge de brendterdi taratady) kompanıasynyń ıesi. Belsendi túrde qaıyrymdylyqpen aınalysady. Ǵylym jáne bilim mınıstriniń áıeli – Sárinjipova Anar Telmanqyzy Ǵylym jáne bilim mınıstri Aslan Sárinjipovtiń áıeli  Anar Telmanqyzy – 1997 jylǵy TOYOTA RAV4 kóliginiń ıesi. Sonymen qatar Isekesheva Lázzat Erbolqyzy, Japarova Almagúl Ermekqyzy (Asyljan Mamytbekovtiń áıeli), Sultanova Regına Fandesqyzy (Baqyt Sultanovtyń áıeli) Vladımır Shkolnıktiń jas jubaıy, 8 jasar ul tárbıelep otyrǵan Júnisbekova Lázzat Saǵatovnany atap ótýge bolady.