Pavlodar oblysy ákimi baspasóz qyzmetiniń jetekshisi Pavlodar qalasynyń ataýyn ózgertý týraly másele qarastyrylyp jatpaǵanyn aıtty. Bul týraly Qamshy.kz aqparat agenttigi sputniknews.kz saıtyna silteme jasaı otyryp habarlaıdy.

"Men baspasózden bul materıaldy oqydym, bul partıa  lıderleriniń biriniń jeke pikiri. Qazirgi tańda bul másele  kún tártibinde turǵan joq", - dedi Azamat Báıtenov.

 Elorda ataýyn ózgertýdi qoldaýǵa arnalǵan "Qazaqstan-2050" demokratıalyq kúshterdiń jalpyulttyq koalısıasynyń otyrysynda "Aq Jol" demokratıalyq partıasy tóraǵasynyń orynbasary Qazybek Isa úsh qala: Petropavl, Pavlodar jáne Semeıdiń ataýyn ózgertý týraly másele kóterdi. Pavlodarǵa ol Kenesary hannyń atyn berýdi usyndy.

Aıta keteıik, mundaı usynys buǵan deıin de birneshe ret jasalǵan bolatyn. Ár jyldary Pavlodardy Kereký, Nurqala, Nurkent dep ataý týraly bastama kóterildi.

Esterińizge salaıyq, 23 naýryzda Qazaqstannyń elordasy Astananyń ataýy Nur-Sultan bolyp ózgerdi. Mundaı tapsyrmany Qazaqstannyń jańa prezıdenti Qasym-Jomart Toqaev bergeni málim

Usynǵan: Farıza Jomartqyzy