Almatyda jol boıynda jaǵa jyrtyspaq bolǵan jigittiń áreketi  ǵalamtorda úlken daý týǵyzdy. Ol jolyn kesip ótpek bolǵan júrgizýshini toqtatyp, uryp tastaǵan dep habarlaıdy KTK. Bir qyzyǵy, ashýly jigit ózin qaýipsizdik komıtetiniń ofıserimin dep tanystyrypty. Ǵalamtorǵa vıdeony jábirlenýshiniń ózi – Sergeı Dankov júktegen. Ol óz úıiniń aýlasyna kirer kezde jol tar bolǵasyn, mıkroavtobýsty ótkizbek bolyp, tejegishti basypty. Bul Dankovtyń artynda kele jatqan «Sýbarý» kóliginiń ıesine áste unamaıdy. Ashýly jigit kólikke jetip kelip, aıǵaıǵa basqan. Onymen qoımaı, judyryq jumsaı jóneledi. Ol jábirlenýshini soqqyǵa jyǵyp, dereý joldy bosatýyn buıyrypty. Taǵy bir aıta keterligi, judyryq jumsaǵan jigit ózin birneshe ret UQK kapıtanymyn dep tanystyrǵan. Búginde jábirlenýshi quqyq qorǵaý organdaryna shaǵym túsirdi. Ol bas-mı jaraqatyn alǵan, sonymen qatar, qasy jarylǵan. Búginde buzaqy izdestirilip jatyr. UQK departamentindegiler beınerolık keıipkeriniń ózderinde qyzmet etpeıtinin málimdedi.