Aljırdiń prezıdenti Ábdelazız Býteflıka halyqtyń jappaı ereýilinen keıin otstavkaǵa ketti dep habarlaıdy Qamshy.kz aqparat agenttigi sheteldik BAQ-tyń deregin negizge alyp. Aljırdegi ereýil 1 aıdan astam ýaqytqa deıin jalǵasty.
Aqpan aıynda Ábdelazız Býteflıka 5-ret ótkiziletin kezekti saılaýǵa qatysatynyn málimdegen bolatyn. Alaıda elde narazylyq kúsheıip, 2 naýryzda myńdaǵan adam ereýilge shyqty.
Al Býteflıka bolsa halyqtyń senimin aqtaýdy maqsat tutqanyn aıtyp aqtaldy.
82 jastaǵy prezıdent óziniń ne sebepti otstavkaǵa ketkenin bylaı túsindirdi:
— Men qazir halyqty tynyshtandyrǵym keledi. Olardyń jańa ózgerýs jasaýyna múmkindik berýdi maqsat ettim. Qazirgi kezdegi aıyptaýlar men ereýilder eldiń jaǵdaıyn odan saıyn tómendetýi múmkin. Al memlekettiń basty maqsaty azamattar men olardyń múlkin qorǵaý. Men basshylyq etken kezde halyqtyń jaǵdaıyn jaqsartý úshin barymdy saldym. Ulttyq birlik, táýelsizdik negizderin nyǵaıta túsýge tyrystym. Men Aljır halqyna bar jaqsylyqty tileımin, - deıdi Aljırdi 1999 jyldan beri basqarǵan eks-prezıdent.
Aýdarǵan: Ásel Bolatqyzy
