Joǵary Radanyń eks-depýtaty: Irına Fabıon «In TV» telearnasyna bergen suhbatynda Ýkraınada turatyn orystildi turǵyndardy «quldar jáne okýpanttar» dep atady.  YouTube -te jarıalanǵan suhbatynda ol orystildi ýkraındyqtardy qalaı memlekettik tilde sóıletýge úıretetinin aıtty. Ol úshin ne isteý kerek? Eks-depýtattyń oıynsha, ol úshin Ýkraınada orys tilinde sóıleýge múlde tyıym salynýy kerek. Sonymen qatar, bilim salasy tolyqtaı ýkraın tilinde oqytylýy tıis.

Irına Fabıon bul oraıda myna máseleni tilge tıek etti.

–Siz aǵylshyn tilin bilmeı, Amerıkada jumysqa ornalasa almaısyz. Al fransýz tilin  bilmeı, Fransıaǵa baryp ta, jumysqa turý  múmkin emes,– deıdi eks-depýtat.

 Irına Fabıonnyń oıynsha, jer betindegi ózge halyqpen salystyrmaly túrde qaraǵanda,  «ýkraındyqtar álsiz ult, ózderin tómen sanaýǵa májbúr».

–Biizde orystildilerdiń quqy buzylady dep jıi málimdeme jasalady. Al bizde orystildi turǵyndar joq, olar –quldar nemese okýpanttar. Eger ýkraın tilin bilmese, olarǵa bilim berip te keregi joq. Demek, olardy jumysqa ornalastyrýdyń da qajeti shamaly. Munyń barlyǵyn bas aýyrtpaı, jeńil túrde ǵana júzege asyrǵan jón,–deıdi Irına Fabıon.

Jalpy Joǵary Radanyń burynǵy depýtaty orys tilinde sóıleıtin ýkraındaqtardy jaqtyrmaıdy, buǵan deıin  de Reseı tilinde sóıleıtinderge qatysty óte qatty málimdemelerimen belgili bolǵan. Ol qoǵamdyq oryndar men kez kelgen jıyndar ýkraın tilinde ótýi derek degendi jıi aıtady. Tipti bir kezde  «orys tilinde sóıleıtin azamattardyń jaǵyn syndyrý kerek» dep málimdeme jasaǵany da belgili.

Jaqynda Irına Fabıon prezıdenttik saılaýǵa túsip jatqan kandıdat Vladımır Zelenskııdi orys tilinde sóılegeni úshin túrmege otyrǵyzýǵa shaqyrǵan.