Qazaqstannyń bas prokýrorynyń orynbasary Marat Ahmetjanov Atyraý oblysynyń eks-ákimi Bergeı Rysqalıevtyń London kóshelerimen qydyryp júrgen vıdeosyna qatysty túsinikteme berdi dep habarlaıdy Qamshy.kz aqparat agenttigi sputniknews.kz saıtyna silteme jasaı otyryp.

Burynǵy ákim Rysqalıevke jeti jyl buryn izdeý jarıalanǵan edi, ótken aptada ol vıdeoǵa túsip qalǵan. Rolıkte Rysqalıev London kóshelerinde jaıbaraqat serýendep júr.

Bas prokýrordyń orynbasary aıtqandaı, qashqyn eks-sheneýniktiń vıdeosyn qadaǵalaý organy kórgen, Rysqalıev qazir halyqaralyq izdeýde.

"Ókinishke oraı, elimizde qylmys jasaǵan birqatar azamat qazir shetelde júr. Quqyqtyq kómek kórsetý – onyń ishinde qylmyskerdi berý jáne ekstradısıalaý týraly shart jasaspaǵan elder bar", - dep málimet berdi Ahmetjanov.

Onyń aıtýynsha, endi qadaǵalaý organy zań boıynsha tıisti sharalar qoldanýǵa kóshedi. Tipti eks-ákim syrttaı sottalýy da múmkin.

Bergeı Rysqalıev 2006-2012 jyldary Atyraý oblysy basshysy qyzmetin atqarǵan. Osy ýaqyt aralyǵynda, tergeý málimeti boıynsha, birneshe márte zań buzypty. Rysqalıevke Qylmystyq kodekstiń segiz baby boıynsha aıyp taǵylǵan: asa iri kólemde memleket qarajatyn qymqyrý, alaıaqtyq, qylmystyq jolmen tapqan aqshany zańdastyrý, qylmystyq uıym quryp, basqarý, qyzmettik ókilettigin asyra paıdalaný jáne taǵy basqa.

Keı BAQ málimetine súıensek, Bergeı Rysqalıev Ulybrıtanıada saıası bosqyn mártebesine ıe.

Esterińizge sala ketsek, Rysqalıev Qylmystyq kodekstiń segiz baby boıynsha qylmys jasady degen kúdikke ilingen

Usynǵan: Farıza Jomartqyzy