Eń ádemi áıel - júkti áıel. Júrek astynan kishkentaı júrek paıda bolǵannan bastap, áıel adamnyń oıy da, minezi de, densaýlyǵy da túrli ózgeriske ushyraıdy. Toǵyz aı boıy ózine kútim jasap, oıyn taza ustap, qunarly tamaqtanyp, mamandardyń keńesterine qulaq túrip, sabyrly júrse júktilik kezeńi jeńil ótip, ana men bala aman-esen qaýyshady dep senemin. 

Adamnan adam shyǵý ońaı emes, árıne. Tolǵaq degen bir mezette 56 súıektiń synýy degendi oqyǵanym bar edi. Áıeldyń qyryq jany bar degen de dál osy tolǵaqtyń sıpatyna saı aıtylǵan sıaqty. Er adam áıel adamdaı shydamdy emes. Tolǵaqtyń pisken kezindegi sáttiń 10-15 mınýtynyń ózine eshbir er adam shydaı almas. Áıel adamnyń er adamnan ereksheligi de osynda bolsa kerek. 

Júkti áıel bosanýǵa tek fızıkalyq turǵyda ǵana emes, sonymen qatar, rýhanı jaǵynan da ishteı daıyndalyp júrgeni abzal, tipti qajet.

Aı-kúnin kútip júrgen bolashaq analardyń nazaryna tolǵaqty, bosanýdy jeńildetýge sál de bolsa septigi tıetin málimetter usynamyn.

Dál tolǵaq qysqanda ne istep, ne qoıǵanyńdy bilmeı qalasyń. Sol sebepti, júktilik kezinde paıdasy tıetin jattyǵýlardy júktiliktiń basynan-aq arnaıy mamannan surap, úırenip, dáriger ruqsat etken sátten bastap jasaı bergen jón.

Tilinde Allasy bar adam eshqashan adaspaıdy. Júktilik kezinde anasy qandaı bolyp júrse, balasyna tikeleı áser etedi. Sondyqtan, osyndaı erekshe kezeń kezinde orynsyz áýen, mánsiz, maǵynasyz ánder tyńdaǵansha, Quran súrelerin tyńdap, jattap, aıtyp júrgen bolashaq ana eshnárseden utylmasy anyq.

Duǵańa, nıetińe saı syıyńdy alatynyń belgili. Endeshe, boıyńa bala bitken kúnnen bastap, sózińe de, isińe de muqıat mán berip, tilińdi túzep, joǵarydaǵy duǵalardy jaqsylap turyp jattap al, Bolashaq Ana!