Qazaqstan prezıdenti Qasym-Jomart Toqaev Qaýipsizdik keńesi hatshysynyń orynbasaryn taǵaıyndady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

"Memleket basshysynyń ókimimen Murat Qalıbekuly Baımuqashev Qazaqstan Respýblıkasy Qaýipsizdik keńesi hatshysynyń orynbasary qyzmetine taǵaıyndaldy", - delingen ókimde.

Buǵan deıin Baımuqashev premer-mınıstr keńsesi qorǵanys jáne quqyqtyq tártip bóliminiń meńgerýshisi bolyp jumys istegen.

Qazaqstannyń Qaýipsizdik keńesi kúsh qurylymdary, ortalyq jáne jergilikti atqarýshy organdardyń qyzmetin úılestiredi, sondaı-aq, zań jobalaryna taldaý jasap, normatıvtik qujattardyń oryndalýyn baqylaıdy.

Qaýipsizdik keńesiniń tóraǵasy –  tuńǵysh prezıdent Nursultan Nazarbaev. Ol keńesti ómir boıy basqarý quqyǵyna ıe.

Osy jyldyń aqpanynda burynǵy ishki ister mınıstri Qalmuhanbet Qasymov Qaýipsizdik keńesiniń hatshysy bolyp taǵaıyndalǵan edi.

Usynǵan: Nazerke Labıhan